週年來了...

昨晚睡前, 不快...
今朝睡醒, 甜...
中午時候, 計劃...
晚上, 突變...
1日之內已多變化, 更何況14年...
這些日子當中有起有落有笑有淚有喜有悲有愛有恨....
而家好擔心喔, 偏偏碰著今日發生, 希望事情有好的轉機....

超熱氣既dinner...

近排咳到癡肺....都唔知搞乜鬼.....亞龍又係咁叫我睇醫生, 但我又唔想睇...
尋晚以為佢會捉我去睇E生啦, 點知佢又無喎, 仲整咗餐「煎炸炒宴」比我食==+
←煎多春魚
←炸豆腐
←炒蜆
仲有炸生蠔, 不過我竟然唔記得影相喎....好味呀......
或者啲嘢全部都煎煎炸炸咁, 搞到我都無乜胃口食飯....
正當亞龍諗住將啲剩咗既飯包番入雪櫃留番唻第日炒飯既時候, 死咕咕就喺呢個時候靜悄悄咁出動了...
咕咕竟然趁亞龍行咗入廚房, 佢就1個箭步跳咗上將枱度食咗啖飯!!!!!!!!
跟住就比亞龍當場遞捕!!
但啲飯始終係比咕咕食過, 炒又唔係..唔炒又唔係...所以最終喺唔想浪費既情況下...
我哋決定....益下咕咕....
就係咁...咕咕就上演咗1幕「無餸食飽飯」既場境喇...
點知....好戲在後頭....唔知佢係咪食得飽得滯.....
個衰仔食完即痾!!!!!!!仲係喺廳痾!!!!!作死!!!!!仲要連痾2次!!!!!!!!仲要大大堆!!!!!!!!
痾完仲要比個得戚樣對住我!!!!!!!!!!激死咗........

煩...煩...煩...

點解總係好次有好多事不停咁發生咁...究竟幾時先可以歇一歇?
而家每一天的時間都好似好難過咁.....
返工對住班同事, 係我每日過得比較自在的一段時間
雖然有做唔完既工作, 但係而家確實就係需要呢種忙...
集中精神工作, 才可收拾心情.....讓腦袋於不知不覺間好好休息....
知道了....要珍惜.....珍惜....

期待1月10日...

今日約咗MIMI去SAA開義工會, 今次係佢第1次去SAA, 見到好多大既唐狗, 佢有啲驚呀...
除咗開會之外, 我仲幫亞龍同咕咕報咗名參加今年既人狗百萬行.....好期待呀!!!!!
老葵雖然已經轉咗公司有1段時間, 但係我哋都有KEEP住聯絡
佢最近因為要應付考試好鬼忙呀....已經好耐無見佢UPDATE個BLOG喇....
今晚亞龍煮咗我最鍾意既炒米粉, 好好味呀....自己煮既真係同啲呀...

豬流感殺到!!

今年既勞動節又喺公司裡面渡過....1/5-3/5都係紅色, 4月又得30日, 份糧趕到死咁滯...
雖然係五一, 但公司全部同事都返晒工, 大家都做到無時間出聲.....
亞龍今日休息, 但我就要返工, 真係掃慶...
收工之後約咗佢喺元朗等, 1齊去買外賣補番數....
返屋企嗰陣, 亞龍話幫我換咗床單, 吸咗地, 仲洗晒我啲被.....
我心諗:「唔係真係喺屋企悶成咁呀?! 」但梗係無講出口啦!
講出口嗰句係:「做咩無端端幫我換既?」(+上面部既超感激表情...= =')
佢話:「見你咁驚豬流感, 又話唔舒服, 咪幫你清吓啲菌囉....」
聽完之後, 唔知點解個心甜咗......
今日香港終於確診出第1個新型流感患者既個案, 係1個墨西哥既遊客...
好驚好驚~@@"

出奇蛋x20...YEAH!!!

以前1同亞龍行開零食舖, 就會貢入去掃貨, 但今時唔同往日...

因為又要減肥, 佢唔想我有得睇冇得食, 所以而家佢會自己1個人去, 費事引我lu...

有次佢送咗隻類似kinder出奇蛋咁既嘢比我, 蛋就佢食, 入面既公仔就歸我...狗仔唻架~~~hehe

點知, 尋日佢送咗我返屋企再落去元朗買嘢食返唻之後, 就帶咗2盒嘢返唻...20粒蛋!!

好可惜......仲差1隻先儲夠1套呀.....藍色衫既8哥仔, 你喺邊呀~邊呀邊呀邊呀邊呀...

拗柴之後至今, 已經過咗5日....幾時先好番呢?

哈哈...拗咗柴就可以免咗同咕咕去廁所....

平時我只要扮喊, 咕咕就會撲去咬亞龍, 保護住我..

但點解亞龍幫我捽腳嗰時我嗌到就死咁, 佢連兇都唔兇吓亞龍呢....莫非咕咕都知我整親?!

GOOD BOY...GOOD BOY...

正能量...

情人節既禮物, 已經成功由寫字樓帶咗返屋企....
佢只係食咗1粒咁大把咋.....

唔記得喺邊度聽過, 話只有人類先會有「冇」既種想法....
突然間...覺得自己擁有好多....好多....

情人節!!2009

今年第1次整朱古力送比亞龍.....過程唔難吖....公司有導師, 又有助手....無難度!

尋晚既番茄炒牛肉又唔係好掂...啲肉勁勒....不過應該係幫我切嗰條友唔鬼識切啫...
今日LUNCH嗰時又有導師教咗我切, 下次都係靠自己穩陣...個切牛肉既嬸嬏靠害...= =...
終於都同咕咕仔剪過下毛...襯埋件靚衫...WOW.......正呀!!

92年的咭...

尋晚執嘢嗰時, 搵到張92年紀念日寫比佢既咭...
將張咭重頭到尾睇咗1次, 發覺原來呢段12年既感情, 早早就出現好大問題..估唔到既係, 無諗過呢個問題會持續咁耐...
92年, 即係我哋1齊既第6年, 而家計起, 亦即係6年前...我哋喺埋1齊已經12年, 1半既時間就係6年...咁即係我哋拖咗唔只6年...
1齊咁耐, 但有1半以上既時間係拖既...無啦....係時候喇...

孔雀毛...

最近心血來潮好想買條孔雀毛比佢, 希望氹吓佢開心...
但有時呢啲嘢真係可遇不可求...即使我有心, 但都係搵唔到唻買...
聽亞SA講話某間大裕華國貨好似有得買, 但問完1輪之後, 結果係無既..
跟住亞SA又話喺紙札舖度應該可以碰碰運氣, 正想托家姐幫我問吓佢個FD....點知...
竟然收到老葵既電話報料, 佢咁啱陪佢家姐去買籌備婚禮既嘢...
咁啱見到, 話深水埗同太子交界附近有間叫德祥既舖頭裡面有得賣...
雖然唔知係真品定係仿品, 但我都係忍唔住要去睇下!
所以放工就搭咗60X過去北河街昅昅, 身為路盲既我搵咗住喺九龍既VICKY陪我過去...
其實真係有啲唔好意思...哈...要佢轉9十幾轉車先返到屋企...哈....
好在....最終都比我買到喇...真係好開心呀....雖然流晒汗, 又只係博一博, 但最終都比我買到喇...
今次係我第3次送孔雀毛比佢, 第1次係維園, 第2次係唔知赤柱定長洲定南丫島...嘻嘻...
佢睇到之後都好開心呀, 仲話好靚添!!!
梗係啦, 我買完之後驚會整爛支毛, 又無袋喎, 點知比我諗到去買遮嗰D舖頭度買個遮套....
又咁啱比我搵到間賣遮舖頭喎, 個老闆仲要唔收我錢添呀.....都話呢個世界仲有好人架啦~
買到支毛之後, 陪咗VICKY去買唔知牛肉乾定豬肉乾食....
本應就去接晴晴去上水JOIN埋MARY姐佢哋1齊食飯既, 點知KELLY姐又肯, SO最終都係無出到...
正當我同諗緊我點樣返屋企既時候, 1架69X就咁喺我眼前出現....真好彩!!!!!!!
要多謝老葵, SA仲有VICKY呀!!!!!!!!!!!!!!
好開心呀我!!

情人節!!2008

生日禮物變咗情人節禮物!!!
終於送得出!!!
Yeah!!!

西鐵站的女學生...

尋日亞龍返工時間又蛇咗返屋企攤抖, 差唔多夠鐘先搭西鐵返公司...
到咗屯門站正想落車果陣, 旁邊既1位初中既女學生叫住咗佢...
女學生既聲音好細, 細到亞龍都聽唔到佢講乜...

當亞龍叫女學生再講多1次既時候, 女學生就話: 我想轉車, 可唔可以比20蚊我?

亞龍就咁就喺袋度攞咗張廿蚊紙比佢....

當亞龍講比我知果陣, 我第1個反應就係問佢: 點解你會比佢既? 你唔覺得唔會邏緝咩? 轉車要20蚊?!

亞龍望住我, 搖搖頭咁講:
個女學生個頭好笠, 孭住1個普通既書包...
手裡面拎住1袋用發泡膠外賣盒既嘢, 裝住個果盒嘢既係1個舊既膠袋...
佢1定唔係邊緣少年, 估計個女學生拎住果袋嘢係佢既飯盒...
唔理咩嘢原因, 我睇得出佢係攞出咗勇氣唻問我, 就算佢問我攞100蚊, 我都會比...
可能個女學生真係連生活都有問題, 相信佢真係有困難有需要先至會喺咁既情況下問人...
佢仲叫我留個電話號碼比佢, 佢仲話會還番比我, 我當然無諗住要佢還....
我估佢需要呢20蚊, 可能要轉車, 可能要買飯, 可能有其他用途....希望果20可以幫到佢...

我聽完佢咁講之後, 無再去諗真定假, 但係控制唔到個心有1種忐忑不安既感覺...
真係唔想呢個世界上有啲類似亞龍咁講既故事發生...
如果個女學生真係咁窮困既話, 我希望果個女學生可以堅強, 努力讀書, 將來可以擺脫貧窮...
同1件事, 我好慶幸, 亞龍係1個好人...

亞威終於返唻喇...

去咗德國1段時間既亞威返咗唻HK喇, 今次同佢1齊返唻既唔係shipship, 而係佢既德國朋友仔...
我哋仲約咗星期3出唻會下添....其實我都有好耐無見佢哋喇...真係好期待......

我既希望工程有啲起色喇! 喺我努力趕工既情況下, 應該再多1-3日就可以完工喇....yeah!!

和時間競賽...

距離亞龍生日既日子越來越近, 我要同時間競賽....
幅野真係搞到我頭都痛埋, 但我又唔想放棄....
盡管salala.勸我都好, 我都唔想放棄, 因為我唔信我唔得!!!!
我決定要+油+油再+油!!
雖然好攰..但我要頂住...因為....只係想佢收到既時候會開心.....

又到聖誕...又到聖誕...

聖誕前10日佈置既聖誕樹...


平安夜既BBQ反得好開心呀...又打牌打到成2.呀~
不過咕咕就慘啲, 因為亞龍無同佢裝身, 搞到佢過咗1個孤獨的平安夜...嗚~
今晚要出尖東食飯, 又要剩低佢1隻on dog dog again lu....

之前minnie send咗啲搞笑嘢比我..係將啲相key落D跳舞既公仔度..非常抵死...
所以我又整咗個比亞龍, 比我自己, 同整咗個比Peter&Mary&Gary&Me.....hehe
亞龍睇完之後笑到傻咗呀~~~~~~~~

各位觀眾...

game over!!

證據...

我整唔見咗亞龍心愛的紫水晶, 呢2日都幫佢周圍搵...唔知佢發咩姣呢? 無lala又話要帶番粒水晶...
尋晚佢搵嘢嗰陣, 搵到以前我同葭希上堂傳嗰啲紙仔, 仲有佢啲相, 同埋佢送心我既2張咭等等...
佢話佢唔知我一直都有留番起嗰啲嘢...
但我記得, 佢曾經問過我:「如果叫你掉咗呢啲嘢, 你捨得嗎...」
我仲記得當時我仲答佢:「都捨得既..如果你想我掉既話...」
唉...又係口同鼻拗!!
其實同佢1齊咗11年, 唔通我呢11年都係做戲咩?! 咪反啦..我從來都無諗過要隱瞞啲乜....
我有講過我之前係暗戀過人架喎...佢而家又介意啲乜呢?
我覺得有啲委屈囉...又委屈....唉....呢陣子成日都有呢種感覺..嗚~
其實我份人又真係有啲怪既..我鍾意留低證據...用意係等自己有個警惕....

留低傳過既紙仔, 佢既相同埋咭...
係要令自己記得暗戀1個人既痛苦感覺, 亦都要記住男與女之間, 真係好難可以做到真正既知己...
以後處男女關係要小心啲...鍾意就要講出唻..唔好收收埋埋!

留低1D字條, 情書同埋相...
係要叫自己記得曾經同亞龍1齊既開心日子, 記得初戀既甜蜜感覺和熱戀的興奮感覺...
以後要好好學懂愛....享受愛和被愛!

留低1首歌...
係要讓自己記得被朋友出賣既失望感覺....
以後若果遇到我愛的人, 決定要爭取之前, 必先會衡量是否值得去愛!

留低1對熊公仔...
係要提醒自己被人不忠對待的那份心痛感覺...
以後要學懂「1不離2」這句說話是對的...

我永遠愛留下證據, 只因我太善忘, 無論好的壞的都不記得...
也許有人會講, 開心既事記得固之然係好啦, 不愉快既事仲記唻做乜呢?!
我唔認同, 即使開心定係傷心, 我都要留有證據, 因為全都是我的過去...
「過去」讓我學到好多嘢! 呢啲嘢對我既將來將會有好大既影響...無過去, 就無而家既我喇...
我何必要忘記過去?!
「過去」係永遠都追唔番架, 但係有時...我會活在回憶裡!!! 喺嗰度...我可以得到好多嘢...

伊索寓言..

前排放假無聊走咗去圖書館借書..借咗4本, 至今只係睇完2本..仲有1本莎士比亞同伊索寓言未睇..
不過本莎士比亞都唔會再諗住睇lu..因為睇頭幾行字都以經唔明..所以唔會再睇喇...
接住唻, 就係睇嗰本伊索寓言喇..裡面好似載有8幾28個寓言...我睇咗頭幾個, 覺得都幾正..
果d寓言, 多數都係用簡單既文字同故事角色唻比喻或者帶出1d生活智慧...
我想慢慢去睇呢本書..希望從中可以得到1d啟發..

今日收工諗住去買餸煮飯..但係亞龍又叫煮清d, 唔通又煮蒸水蛋咩大佬..我煮啲嘢唔係真係難食成咁呀?!
最終佢叫我6菜比佢食就得喇..我真係啋佢都有味..有乜理由做成日嘢都唔駛食啖飯架???
我同佢講:「1係你就係喺出面食飽咗, 1係就係我真係煮得難食到你寧願揀唔食...」
點知佢問我:「覺得你自己煮嘢難唔難食?」
我梗係答:「唔難食!」
跟住佢就話:「咁即係我有第2頭住家, 食飽咗啦..」
我即刻火滾!! 比多2次機會佢, 問佢係咪真係有第2頭住家先?! 佢都仲要答係喎!!! 咁得嘞...
咁我今晚自己買麵包食..佢食自己啦!!
到佢放工果時, 又打唻嗌肚餓, 話都係想食飯喎....chi線!!
我話:「乜你唔係有第2頭住家咩? 你叫你果頭家煮比你食啦!」
點知佢話佢之前講笑咋喎..........
傻架..咁大個人, 都知道咩係可以攞唻講笑, 咩係唔可以亂講架啦..費事啋佢!!
要我再煮飯比佢食?? 食自己啦!! 或者去第2頭住家度食啦!!!!!!!!

5花荼...

今日又係食豆腐蒸水蛋同埋蒜蓉蒸茄子...係佢點名要食架..唔係我唔轉款呀...
聽見佢話條脷痛..又話生飛滋喎..所以今晚試下煲涼荼....5花荼...
用咗4升水, 煲咗粒幾2粒鐘..煲埋就得番3支零3碗...用咗5粒冰糖..1大4細細粒....
但LING LING同葵葵都話我煲得多..都唔知仲有無5花荼味喎...=.=! 5花荼咩味???? 甜味...???
唔知咁即係成功定唔成功呢????
亞龍無諗住我會咁有佢心煲涼茶過佢飲..所以有啲驚喜..
又話我娶得過...仲show條脷比我睇佢粒大飛滋添...其實我不嬲都覺得我娶得過架啦..對佢都唔差啫...-.-"
最終飲佢咗2碗...仲洗埋碗...但係我唔想同佢講嘢....因為..我發現原來我已經唔可以再為佢做啲乜喇..
有事..佢1個人面對都得..已經再無我既事..佢亦覺得我好似無需要再知道咁...我又唔想問...感覺怪怪的..

紅豆沙+湯丸..

是日晚餐金銀蒜茄子, 叉燒炒蛋, 6唐生菜!!
亞龍話茄子既味道好有層次喎..好味...搞嘢..層次..hair
好在葵葵教我蒜蓉1半要炸, 1半唔駛, 再放喺茄子面度蒸唧!!
食完飯之後, 突然間好想食湯丸喎..叫咗佢去買..而家等食..hehe
無lala又比葵葵點咗名, 都唔知理佢好定唔理佢好..=.=" 激死..
聽日公司啲人會唔見緊半..小儀全日OFF, LING姐亞SA又休下半..我都想休..長休...
今晚本應唔煮飯, 但係聽日又想帶飯喎, 所以煮囉, 點知今晚啲飯食晒, 聽日無飯帶...唉~
唻緊呢個月起碼會有20人要行街, 肯定做到我趴街...HELP!!!

(B4 N AFTER)