喺年初2返唻HK之後, 1直瞓, 瞓到今朝9.幾起1起身, 跟住又再瞓....而家終於都起身喇...^_^
亞龍終於同我完成咗呢個2日既旅程......哈哈哈!! 仲影咗好多相添呀!! 好開好開心!!
雖然個行程比預期中有啲唔同咗, 但都1樣反得咁高興呀!!
亞龍仲好似細路仔咁, 係咁問我幾時再上去....佢話佢要plan定下1次既行程喎....哈哈哈!!
第1次上去既佢, 起初都有啲唔慣架, 但係有1行人傍住就好好多喇!!!
上到去既第1站去咗1間酒家食飯, 8餸1湯, 承惠3百幾, 喺香港1定食唔到呀!
水鴨仔2隻....細細隻...無乜肉食...
西芹炒豬肚尖....夠晒雕轉...略嫌唔係好夠味...
乾葱大魚頭煲....食咗好幾件...因為亞龍話食多啲會靚啲....我仲食咗粒好耐無食既無眼添...
唔知乜乜豆腐煲....好惹味.....將啲肉釀喺啲豆腐度....
生炒骨....好似骨多過肉...Mary姐話麻麻地好食, 我就覺得好味喎...
唔知咩咩西洋菜....啲菜煮得啱啱好....個個都話好味...我都食咗幾碗...
3杯大腸....好味呀...
美極明蝦....連殼食...正...
蓮藕蠔豉湯....寓意年年都有好事...
仲有遺忘已久既瓦煲味靚仔.....正!!
而甜品....竟然比咗1盆蜜柑....2地文化果然係唔同呀!!
不過就食得好急, 8.鐘咗左右到步, 但間酒家就收9點........
為咗唔好阻住人哋年30晚收工, 所以大家都食得好快!!
食飽飽之後, 第2站去咗鍾村!!
買咗差唔多100蚊煙花!!!! 正呀!!!! 已經好多年無放煙花喇!!
我1見到咁多款煙花就忍唔住攞部電話出唻影相, 點知有個男人係咁望住我部機....
我仲以為佢想搶嘢添呀....嚇到我即刻匿番上部車度....個心跳得勁快....好驚好驚....
返到屋企放低啲行裝之後, 就出發去燒煙花喇....
1路期待既我, 去到見到啲人放煙花真係好鬼靚, 點知當我行近啲嗰陣, 原來好鬼死驚架!!!
我見到有個煙花打橫飛, 又有椰字頭未到半空就爆...明顯係放嗰啲人唔夠pro, 出事啦....=.=
見到咁既情境, 我即刻想縮沙唔反...癲架D人, 我身處其中, 直情好似上咗戰場1樣!! 嚇死我呀!!
但煙花又買晒, 唔反又唔得, 唯有頂硬上....下次真係唔好預我....
企咁耐就驚足咁耐, 唔知既話真係已為重返731時代!!!
叫晒咁...低能架....1驚就爆粗....失晒控呀!!!!!!!!!!!!!
燒完就返屋企攻打4方城....我win呀....發咗個新年財呀!!! 好開心!
打完上床瞓嗰陣真係有D唔慣...太凍喇!!!!!
我仲好唔識性咁衝口而出話:「嘩! 好似瞓落雪櫃咁呀!!!」
新年流流講啲咁嘢...比亞龍話我:「無嘢好講!!!!」
第2朝瞓到差唔多成點, MARY晨咁早就起身煲雞粥同煎糕.....真好呀~
食過早點之後, 就去咗會所打咗2局bowling....晴晴(10歲既姨甥女)期待已久既節目....
頭我1局基本上我係落坑多過乜...個o靚妹打得叻過我-.-.......第2局就好啲...
不過下次都係唔好喺會所打碌lane, 因為收費仲貴過HK....
原定碌lane前去反賽車架, 不過去到先知摺咗.....無得反......
反完之後又嗱嗱聲趕返屋企, 事關book咗車去食暴肥呀!!!!!!
我哋去嗰度叫「四海一家」, $148/位, 多款式, 無限量供應, 高水準, 簡直係超值呀!!!!!
MARY姐今次都可謂最好介紹呀!!!! 無得彈!!! 亞龍話下次1定要再去食過!!!!!!
Peter仔就搞笑啲, 1開波就食咗2大碗雲吞麵同1大碟生果......點知就咁食滯咗.....hair...
成個行程既最後1日, 成家人搭公車去咗廣州行上下九!!!
\嗰度條街好長, 有嘢食! 有嘢睇! 仲好熱鬧添呀!! 真係行到唔捨得走呀!!!!!!
我仲喺廣州度買咗好多手信比咕咕仔添呀!!!!!!!
下次再去廣州既話, 1定要帶埋個喼上去掃貨呀!!!!!!
初2晚既差唔多凌晨時份返到屋企...好擔心咕咕仔呀, 好怕佢有事...
點知佢真係有啲唔妥呀, 去尿尿既時候竟然有血呀!!!!!! 唔通缺水?!
好在第2日起身咕咕好醒, 情況轉好, 如果唔係內疚死我呀!!!!!
聖誕前10日佈置既聖誕樹...
平安夜既BBQ反得好開心呀...又打牌打到成2.呀~
不過咕咕就慘啲, 因為亞龍無同佢裝身, 搞到佢過咗1個孤獨的平安夜...嗚~
今晚要出尖東食飯, 又要剩低佢1隻on dog dog again lu....
之前minnie send咗啲搞笑嘢比我..係將啲相key落D跳舞既公仔度..非常抵死...
所以我又整咗個比亞龍, 比我自己, 同整咗個比Peter&Mary&Gary&Me.....hehe
亞龍睇完之後笑到傻咗呀~~~~~~~~
今年過了一個不平凡的中秋節...
雖然這個中秋節裡面沒他的份, 但還是感覺快樂的! 因為我並不孤單...
雖然與媽媽分隔兩地, 但還是感覺連在一起的! 因為我們從根本就是相連...
雖然不是到高級食府用膳, 但還是感覺豐富和美味的! 因為那是姐姐在她家中用心為我們準備的食物...
雖然沒什麼特別節目, 但還是讓我感覺滿足的! 因為這天一連逛了兩次菜巿場...
雖然我只是個平凡的人, 但還是感覺自己是十分幸運和幸福的! 因為我擁有的已經太多了...
尋日朝早收到家姐電話, 話MARY姐喊晒口, 痛到要生要屎咁...
我唯有臨時請假同佢哋1齊上大陸睇醫生...=.=
都唔知大陸啲醫生有咩好..典解咁歡喜上去醫病架呢?!
1抵步就屋企都唔返, 要去醫院先...MARY姐急不及待話要去吊針..
上面啲制度真係好鬼搞嘢..唔駛預約, 唔駛等, 直衝直入...話見就見...=.=
只要講低1句:「我要見醫生!」咁就搞掂! 請進!
不過MARY姐比ke呢之中更ke呢..hair, 皆因佢連自己搵邊個醫生都唔記得! 剩係1味同人講要見醫生..
我同家姐即場O晒, 大家你眼望我眼, 但今次對方醒喎!
當大家都唔知點解既時候, 個姑娘竟然叫我哋望下背面既「肖像」..
好似差館認色魔咁進行認人行動...救命呀真係!! 咩醫院唻架?! 咩人唻架?! 認相睇醫生?!
好不容易, 終於比佢點咗去12號房搵覃醫生...呢次療程承惠2200! 多謝晒! 香港人!
就喺呢個時候, 笑料又再出場.MARY姐唔知係咪發雞盲, 自己明明夠錢, 又話比人知唔夠..
亞覃生又搞笑, 2話不說咁講:「差幾多? 我借你!」!!!!!!!!!!!!!
當時如果我同家姐有啖飯喺個口度既話, 我諗我哋必定即場噴飯都似!! 搞咩呀醫師....
無la la 有幾個傻婆走入唻你房話睇病..又唔登記又唔盛, 即診已經搞笑架啦, 仲借埋$比我哋..
最搞笑係, MARY姐又真係收喎!!!!!!!!
最終個醫生借咗50人仔比個病人, 仲叫佢唔駛急住星期日唻還..因為佢休息喎....哈
差啲唔記得..個醫生應診前同後都無洗手, 但偏偏喺中間診緊既時候去洗咗1次手...
唔知為乜! 亦甚為搞嘢!! 真搞嘢!!
好鬼死攰..呢幾10個鐘出咗好多汗, 返到屋企乜鬼都無做就要衝廁所洗白白..而家好舒服喔...呵呵~
同1時間, MARY而家都做緊豬!! 仲請咗個國內妹妹24小時全天候照顧佢呢0.5個月既休養期添..
知道佢搵到人照顧佢, 我同家姐終於都可以放心啲咁返HK...
希望佢好好醫病..快啲好番啦...
尋晚MARY姐隻金華腿又作怪..
今應收工之後過去lin腳既, 但係屋企又有好多餸喎, 我整擺得唔耐, 又side嘢, 所以咪煮埋食埋先過去囉...
過到去就同佢ma sha 池! 我成手都係油, 但佢叫我唔好用水洗喎..如果唔係將來啲隻手會痛架喎...
典知個鼻鼻唔生性, 係咁打乞癡!! 到家下都仲痛緊呀~
今朝返工仲型! 著咗件喺MARY姐度, 經過我悉心挑選出唻既衫!
件衫係黑底, 但有超大個圖案..=.=! 有dog有cat仲有花有蝶有閃珠片添...........
我見咁型, 所以就約咗亞龍喺西鐵站等我, 決定比佢先暏為快!! 嘻...
佢見到之後, 1味淨係識笑...仲話有:「有狗有貓都不特只! 仲有花仔同蝴蝶...哈.......」
我出門口嗰時又打比家姐, 同佢講我著咗你老母件衫返工=.=..咁知, 佢叫我記住影張相過佢睇喎...唔好嘥..
哈哈哈哈!
幾經辛苦捱到返公司, 亞sa1見到我, 就話:「搞咩呀亞毛你?! 好閃喎..你亞媽架??? (全程半忍笑半大笑地說=.=)」
佢仲話, 我著咗嗰件衫, 即刻比我實際年齡大咗5年呀!!!!!!!
笑死凸!!
(家姐..放心..我有影相比你...哈)
今日去MARY姐度食飯, 出奇咁聽到MARY姐話決咗志信主喎...
我問佢點解無端端走咗去信主呢???
佢話好奇怪, 之前佢帶頸鏈, 條頸會好唔舒服...但係帶咗條10字架頸鏈, 唔知點解唔敏感喎...=.=
跟住我就話..咁係條鏈既問題啫, 關個10字架咩事呢?! 又關信主咩事呢?! 真係服咗佢, UP得就UP...-.-
家姐見到我之後, 1於唔放過問我點樣會炒燶飯既機會, 真係比佢問到我口啞啞...
其實我煮嘢食都唔差啫...應該係1時失手之嘛...都無唔記得熄火, 算係咁啦...又無燒咗間屋, 都算叻架喇!!
真係天助我也呀! 又會咁啱得咁矯, 唔知點呢? 呢個對於我唻講係1個好機會呀!! 真係有得諗諗佢...
今日係911紀念日, 美國梗係有紀念活動啦..但係佢哋為失去至親而傷心既同時,
又有無諗過佢哋既國家打人哋伊拉克既時候, 殺咗人哋既至親, 人哋都係同樣咁傷心呢...
點解要打仗呢? 野心呢樣嘢, 如果可以好好利用既話的話係可以增加唔少力量既, 但太有野心既話, 真係好可怕...
真係好鬼死貪心架唧! 由2隻MERO到3隻到13隻到23隻到....我今日又開...hair
Mary姐好似話聽日返唻, 我聽日要call埋亞龍去搬床板, 家姐又要去買床褥...巴閉!
唔知佢住咗差唔多成個禮拜有無好啲呢...希望好啲啦...
我班同事真係好, 話者知我呢排心情麻麻, 今日又陪咗我出去食飯...
雖然葵葵, 小儀同林玲都帶咗飯, 但都陪我出去食, 又比我話事食乜...真係好呀~~多謝呀~~
今日能池去咗食curry, 好味...但要喊住食! 真係難頂! 我同亞SA好似盲婆咁....hair
明知有各喺度架嘛, 偏偏就揀呢個時候喺度切洋葱, 攻到我同亞SA個眼係咁流眼水!! 不停咁流!!
而其餘嗰3隻嘢就不停笑!! 原來帶隱lens可以避過架! 咁樣食curry都算係第1次!!
天文台今日公佈喺3.半之前會掛8號, 公司預早放咗我哋走, 咁就蛇咗2粒鐘!
我發覺原來有好多香港人傻架!!
喺搭西鐵返屋企既途中, 發現啲人好似飢荒咁, 美心呀榮華呀..見嘢食就掃! 啲人成盤成盤咁買! 癲架!!
出閘嗰時仲搞笑! 我有置身於羅湖出閘境的感覺....XD
返到屋企, 即刻開咗部腦佢, 發現葵葵己經喺菊4罷咗枱! 果然醒呀! 最醒今次!!!!
但枱雖然係罷咗, 可惜佢報錯咗地址比我知, 搞到我入咗竹4..hair
anyway! 最終都打得成! 但打得唔耐! 打咗1陣...
喺我超無聊既情況下, 我又去咗MERO PARK! 竟然又比我發現到啲嘢喎...
聞說「放貨場」原本由只係星期5營業, 變咗咗日日開!
但啲廢貨, 就由價值5度, 降價到均1價, 每件1度ONLY! 搞錯呀!
MERO果然係無死錯人呀!
好在! 我昅下昅下, 又竟然發覺除咗蔡卓妍之外, 楊太同亞毛都終於食到字喇!!!!!
果然不枉我花盡千番心血呀!!!!!! 電!
收到家姐電話, 佢話MARY頂唔順啲神經痛, 上鬼咗大陸吊針! 好似話要吊成個WEEK喎....唉~
而PETER都唔執輸, 8號風球既情況下, 街照去, 商場照逛, 掂!
1日又1日, 我要頂住! 我要加油! 我要走!!!!!!
今日收工之後去咗亞媽度食飯, 當然家姐都有唻啦...
本應1般食飯都食得好好哋既, 點知無la la又收到姨媽電話,
聽講佢打唻之前問過MARY姐同家姐我住喺邊度, 當然, 佢哋都知佢梗係有啲嘢架喇,
所以就無爆到出唻, 點知佢仲唔罷休, 竟然要打爛沙盆璺到豚!
終於, 我講咗比佢知我住邊, 跟住我問番佢, 點知要問我住邊呢?!
原來佢話, 佢個朋友住正喺我樓上, 話說仲跌咗條地巾喺我廚房出面添!
我初時仲以為只係人哋想攞番條巾啫, 咁easy啦, 我new番條巾, 跟住攞去座頭, 跟住佢自己去攞番咪得囉!
點知原來事情並唔係咁簡單, 亞麻煩姨媽最終爆料!
佢話攞番條巾只係藉口, 想向我傳道先至係真!!!
救命呀! 我最唔鍾意就係咁, 以前我亞姨係咁, 而家我姨媽又係咁!
傳傳傳! 傳乜鬼啫! 我要信我自己就會信架啦!
成日對我咁鬼熱情, 但又要比我知係有目的架喎! 咁我會覺好假囉!
如果啲人真係咁友善, 咁點解要有目的咁去親近人呢?!
呢種傳道方式, 真係令我有啲反感!!!
仲要聽日要返工, 大把嘢做, 想早啲瞓都唔得既!!
又要等嗰個auntie返, 仲要我自己送上門添!!!!
真係好鬼死麻煩架! 成日都自把自為, 人哋唔like佢又唔知!
究竟係咪我真係越唻越冷漠, 定係因為呢幾日有工作壓力所以先會咁呢???
MC啲要求又越唻越多, 人就得2個, 點做呀?!
啲合約成日都話要換, 佢又唔知道下面分店淨係最基本既文件都搞唔掂....
我今日聽到佢話要搞呢樣, 整嗰樣, 我真係好down, 成日人好似無晒力咁...
到4.幾, 到仲見到仲有咁多嘢未做, 聽日星期日又要返工, 我真係想手寫封劈炮信比LING姐呀!!!!
仲以為今日MARY姐會去睇PETER仔, 點知收工之後打比MARY姐, 佢竟然話今日唔會去睇佢喎..=.=
梗係啦! PETER仔都唔聽話, 唔好話MARY姐啦! 我都頂佢唔住啦..!!
今晚煮咗腸仔炒飯比自己, 再另外煮咗飯比亞龍, 仲蒸咗魚同整返尋晚食剩咗嗰啲雞...
佢一路食, 一路叫我唔好日日煮飯喎! 點解佢唔學吓用欣賞既角度去睇我所做既嘢既?!
聽日就係葵葵回歸既日子, 唔知佢有無晒黑到呢??
今晚本應1心諗住煮麻婆豆腐, 但最終又係臨時改變主意, 改咗整豬肉餅..
當然啦, 整出唻大係唔好食! 始終都無MARY姐整得咁好食! 究竟係點解呢?!
肉餅易整, 但易學難精, 真係激死人!
今日PETER仔又有新搞作, 佢真係乜都夠膽死既, 講咗個全世界都唔會有人信既大話! 成個len仔咁=.=
佢竟然話個主診醫生去睇佢, 問佢仲乜成日瞓喺張床度, 點解唔出去行吓喎...
仲拍枱鬧個醫生仔點解唔放佢出去行吓街添...PETER仔果然為咗可以出監而咩都up得出呀!!!
我聽完之後覺得超搞笑囉! 大佬呀! 咪返啦! 相信你都難啦PETER仔!! 想我笑爆咀咩! 哇哈哈......
今日又攞假同MARY姐去威記!
平時7.半起身, 8.或者8.3出門口, 但今日竟然要7.起身, 7.8出門口過MARY姐度打的..仲早過返工!!!
唉!! 2公婆都有病! MARY喺威記都算威囉..
1陣個心話有事, 1陣又話個肝有事, 1陣又話胃酸倒流, 1陣又話血壓高, 1陣又話水腫, 1陣又....唉!
今次仲有新嘢! 係眼! 我幾驚佢連隻眼有事呀! 好在, 檢查完之後結果話只係1般既飛蚊症啫..小事小事!
除咗眼之外, 仲有糖尿擲界! 所以又順道驗埋有無糖尿病!! 唉! 希望無啦!!!
尋晚超白癡呀! 唔記得咗今日唔駛返工, 竟然為自己留咗5大隻雞翼帶飯...=.=!
經過咗10日既獨立隔離治療, PETER仔今朝終於轉到黃大仙醫院繼續療程...
佢唔再需要單獨被隔離, 而家有同房, 有電視, 有人氣, 對於我唻講, 真係1個好消息!
雖然環境唔夠北區好, 但係轉得院就表示病情有好轉, 希望唔駛過多好耐佢就可以出院啦...:P
其實今日超攰呀! 去醫院睇佢之前, 我, MARY姐同家姐大汗叠細汗咁去咗黃大仙廟拜神,
希望神明保祐爸爸可以早日康復出院..跟住返咗家姐屋企反煮飯仔..同住仲做埋到會添!! 簡直一條龍服務!
去到醫院, 家姐見PETER仔好似成日想講嘢但又好似講唔到咁..
問佢:「係咪有痰呀? 係咪氣喘呀? 係咪......」
PETER仔答:「唔係..無嘢..」
跟住PETER仔粒聲唔出咁攞咗張紙巾抺眼, 跟住我哋發覺有啲唔妥, 問佢做咩, 點知...
佢話:「無..我一時感觸啫..見你哋成日咁頻撲唻...」
呢次, 係我同家姐同MARY姐第1次見到佢喊, 大家個心都酸一酸, 大家都唔知講咩好...
(大家都不知所措..好在無4條友1齊喊咋, 如果唔係人哋睇到仲以為我哋做乜鬼呀=.=!)
只有我掃一掃PETER仔既膞頭以作安慰...希望佢知道, 其實大家都好錫佢, 大家都咁緊張佢..
希望佢今次真係識驚, 真係識保重自己身體啦!!
探完PETER仔之後, 我同MARY姐就打道回府!! 返去之前仲請佢"girl"咗個扒添!!! 不過只屬1般囉..-.-
亞龍呢排唔知搞乜鬼, 好似轉咗性咁喎! 鬼死咁好...返屋企前仲喺樓下公園陪我餵喵...
咁都不特只喎, 我仲竟然發覺, 喺我出咗去既期間, 佢竟然洗~咗~個~廚~房~~~~~~~
唔得! 我要開始煮飯!!:)
希望唔開心同埋令人擔憂既事快啲過去, 好消息陸續有來!!!XD
尋日收到MARY姐電話, 佢話啱啱去探完PETER仔...
知道佢出發去醫院既時候暈暈哋, 2次準備出門口, 2次都暈..
但當時已經4.幾, 再唔出門口就會遲咗送飯過去, 所以唯有頂硬上, 格硬出去, 最多叫舅父唻接佢...
我聽到之後好火!
因為我知佢腳痛, 又知佢日日要去買餸, 一定好攰, 天口又熱!
咁都仲要堅持出去食餸煮飯, 煮完仲要送埋過去, 直至睇住PETER仔食晒之後, 幫佢執埋嘢抺埋枱先走...
我覺得好心痛! 一路聽佢講, 一路流眼淚...
我突然好憎PETER仔, 我好嬲! 我覺得佢傷害緊MARY姐! 好唔開心!
大熱天時, 要MARY呢個肥師奶出去頻頻撲撲已經好攰架啦! 佢仲夠膽死叫MARY姐特登去元朗買條豬橫脷比佢喎!!
真係想駛死人咩! MARY姐都已經話腳痛架啦! 齋買餸都經已係勉強! 仲要指佢去呢處去嗰處買呢樣買嗰樣!
有無搞錯呀! 我真係唔鬼想去睇佢呀!! 好Q火呀!!
由於PETER仔唔聽講, 我真係有啲嬲! 嬲既程度去到真情唔想理佢!!
因為佢唔錫自己=唔錫MARY姐+唔錫(ME+MO)!!
我真係唔知佢諗乜! 點解會咁盟塞架唧!!! 咩構做呀!!!
MARY姐又係! 到而家都仲好似唔知嚴重性架喎!! 如果佢染到咁點算丫!!!!
1個2個都係咁既!! 實際啲去諗丫嘛!
我並唔係話嫌棄佢呀! 只不過唔通真係要個個去醫院隔離3WEEKS先至安樂架咩?!!!!!!! SHIT!
好在家姐某程度上都同意我既睇法! 如果唔係......................>_<
SHIT! *$%#@xyz..SHIT! 真係好Q火呀!!!!! 吼!!!!!
或者亞龍都知我呢排唔好惹, 所以我呢排勁發脾氣勁野蠻都好,
佢都只係好聲好氣扮傻唻緩和下, 等我降火...
又或者係個人大火又發洩唔到既關係, 我將憤怒化成動力!
而家手頭上既工作差唔多比我清晒呀....(仲有時間打BLOG添=.=!)
今日收工又去睇Peter仔, 同尋日唔同既係, 尋日我戴普通口罩, 而今日, 我要帶定豬咀先可以入去..
Peter你亦同我1樣, 1見到我就拿拿聲戴起豬咀..
見到佢呢個舉動, 我知道化驗結果梗係出咗喇, 而且好可能係1個唔好既結果...
不出我所料, 佢果然中咗獎, 化驗結果顯示, 佢有肺癆菌..:(
由於我同家姐都唔清楚係咩1回事, 所以唯有出去搵醫護人員了解1下..
聽完之後, 對情況有咗初步了解, 知道有藥可醫, 只要佢肯乖乖食藥就得喇..!!
起步要食1個療程, 大約6日-10日, 如果清得晒啲菌, 咁就可以出院喇!
但出院之後仲要keep住食藥, 大概半年-1年...
希望佢聽話啲啦, 而我唯1可以做既就只有不停咁煩住佢, 不停咁重覆叫佢小心身體...
佢今日仲未退燒, 個人仲好攰添...唉!唉!唉!
家姐呢排真係辛苦呀~~~
等Mary姐返唻, 仲要捉佢去照肺添呀! 唔知我同家姐駛唔駛都照埋1份呢~~~~~~~
