週年來了...

昨晚睡前, 不快...
今朝睡醒, 甜...
中午時候, 計劃...
晚上, 突變...
1日之內已多變化, 更何況14年...
這些日子當中有起有落有笑有淚有喜有悲有愛有恨....
而家好擔心喔, 偏偏碰著今日發生, 希望事情有好的轉機....

星期天...休息日...

今日瞓到死咁滯, 真係滿足呀! 仲上足電添.....除咗瞓同食之外, 就只係做咗呢樣嘢....←整容前
←變身後(精靈好多....^^)

同場加映!! 突然間諗起之前有1次幫咕咕剪完毛都好似有寫blog架....原來已經係3年前喇!!!!
http://928928.blogspot.com/2007/05/blog-post_06.html

炸!!!!!炸!!!!!!炸!!!!!

繼炸蠔同炸豆腐之後, 亞龍好似炸嘢炸上癮咁, 係咁喺度諗仲有啲乜嘢好炸....
我哋1齊去行街巿....佢話想試下炸軟殼蟹喎...不過而家呢啲時間邊樹買到軟殼蟹吖....
SO...最終買薯仔同埋洋葱.......1於試下炸格格薯塊同埋洋葱圈......^^......
格格薯塊切好之後覺得好薄, 炸起唻唔係好夠跪....效果麻麻.....><
反而以為好難炸既洋葱圈原來1D都唔難炸....仲好好味添....好跪架!!!!唔知係咩因為用咗跪漿呢?
我哋發覺, 先用130度炸第1次, 再用180度翻炸...咁樣出唻既效果係最好既....yeah!!
嘩.....雖然好味又好反....不過真係好油呀!!!!!!!肥屎呀!!!!!
亞龍話...呢D無益嘢...1個月1次好嘞....我話, 3個月1次就差唔多....==+

超熱氣既dinner...

近排咳到癡肺....都唔知搞乜鬼.....亞龍又係咁叫我睇醫生, 但我又唔想睇...
尋晚以為佢會捉我去睇E生啦, 點知佢又無喎, 仲整咗餐「煎炸炒宴」比我食==+
←煎多春魚
←炸豆腐
←炒蜆
仲有炸生蠔, 不過我竟然唔記得影相喎....好味呀......
或者啲嘢全部都煎煎炸炸咁, 搞到我都無乜胃口食飯....
正當亞龍諗住將啲剩咗既飯包番入雪櫃留番唻第日炒飯既時候, 死咕咕就喺呢個時候靜悄悄咁出動了...
咕咕竟然趁亞龍行咗入廚房, 佢就1個箭步跳咗上將枱度食咗啖飯!!!!!!!!
跟住就比亞龍當場遞捕!!
但啲飯始終係比咕咕食過, 炒又唔係..唔炒又唔係...所以最終喺唔想浪費既情況下...
我哋決定....益下咕咕....
就係咁...咕咕就上演咗1幕「無餸食飽飯」既場境喇...
點知....好戲在後頭....唔知佢係咪食得飽得滯.....
個衰仔食完即痾!!!!!!!仲係喺廳痾!!!!!作死!!!!!仲要連痾2次!!!!!!!!仲要大大堆!!!!!!!!
痾完仲要比個得戚樣對住我!!!!!!!!!!激死咗........

煩...煩...煩...

點解總係好次有好多事不停咁發生咁...究竟幾時先可以歇一歇?
而家每一天的時間都好似好難過咁.....
返工對住班同事, 係我每日過得比較自在的一段時間
雖然有做唔完既工作, 但係而家確實就係需要呢種忙...
集中精神工作, 才可收拾心情.....讓腦袋於不知不覺間好好休息....
知道了....要珍惜.....珍惜....

願你一路好走...

一次說笑, 成了回憶, 自從接到突如其來的消息以來, 心裡一直都不好過, 實在教人太難接受了...
無法理解你所做的決定, 卻明白也許你覺得這次的決定才可以讓你釋懷一點...
但你的離去, 實在令我們很傷痛, 現在剩下的唯一, 只願你一路好走...

文恩LAST DAY撞啱MIMI牛一巧遇亞KIT回歸...

唔知點解今日突然間想打BLOG....
最近好似發生好多事, 但又好似無乜特別嘢咁.....
自從老葵離開咗公司之後, 就好似好耐無打BLOG咁喇.....
之前放咗1個長假, 真係悶到嘔......喺屋企一瞓醒起身就食, 食完就瞓, 瞓完又再食, 食完又再瞓....
好似好耐無放過咁長既假, 好正.....但好頹廢喔~
好在....我已經解決咗休長假後遺症...^^"...又可以重回正正常常既日子喇.....
今朝ML同KIT已展開咗INTERVIEW既工作.....3選1.....希望快啲有新同事啦....^^
最近既日子, 真係好想同亞龍講聲多謝.....好感激呀...
又好多謝MARY....^^.......

當初點解會選擇離開?!

我相信...做每件事和做每個決定, 當中總會有原因...可以是覆雜, 亦可以好簡單......
而兩者之間最多的分別, 便在於做之前所考盧的時間和相關的環境因素...
做決定之前所考慮的過程, 需要思考的時間和所顧及的因素大多都是較長, 較多和較廣...
究竟怎樣才可以訂下方程式, 讓自己可以做對決定呢? 究竟什麼算是對? 又什麼是錯呢?
既然分不清對錯, 又回不了過去, 何必再為過去一個決定而反覆思想呢?偏偏....控制不了思緒...
為何人生於每個階段都總有矛盾的時候? 又要持續多久?

最古惑既我...

月尾既我又升咗呢, 去咗ICU......唔知幾時先出得院呢....?!
最近真係比啲閒人煩死呀...仲話我係全院最古惑嗰個添呀><"
真係閒人閒時理閒事.....

身心俱疲ING...

日子1 日1日咁過.....
望下鏡裡面既自己, 又時會想時間可以過得快啲就好喇....但同時又怕老得快....
見到MARY姐, 呢排見到佢話腳痛....佢叫我行走多啲, 唔好1味坐1味瞓.....
仲話如果唔係到佢呢啲年紀可能想行都行唔到喎...又話我肥咗好多好多添呀....
聽到佢咁講, 我自己都好驚呀....哎吔..點算呀...
佢又叫我有仔就趁早生, 佢話生咗就會瘦架喇.....仲話到時我就知味道咁話... = ="
本來5號約咗老葵, 但MARY又咋型...見9號都可以見到老葵...所以就5號陪咗MARY先啦...
8號約咗HONEY同CARMAN食飯飲嘢...好期待呀....
9號約咗成班同事去BBQ....今次自己醃嘢食去...可以食好多唔同既嘢呀...唔駛成日都係食嗰啲...嘻嘻..
到時我仲會帶埋咕咕去添....仲諗住介紹條女比佢....叫HAPPY...哈哈...
11號陪MARY去覆診既重任交咗比我.....
好似好多嘢搞咁...好在過晒月尾咋.......
.

新同事...again

新同事今日第1日返工, 第1樣安排比佢既工作係:會!議!記!要!!!!!!實悶死佢喇!!!
希望佢打出唻既嘢唔會嚇親我啦...

尋晚同老葵通過電話, 知道佢都未完全習慣...好擔心呢...希望佢D同事對佢好啲啦...
好似我對新同事咁就啱喇..嘻嘻....

miss u...

老葵個位終於都空咗喇...以後就唔可以日日都見到老葵lu....嗚~
好多謝老葵今日送咗份禮比我呀..係鬆馳熊...唔係有冇特別意思架呢..嘻嘻....relexxxxxx

唔知我同亞龍係咪真係食得太多味精, 呢兩日佢都堅持去買餸煮飯喎..
今晚食蕃茄蛋同埋冬瓜豆卜炆燒肉...個蕃茄蛋我比滿分呀..好食過我自己煮....哈哈...

今日喺公司都係狂IN人.....但係結果同之前1樣....覺得無仲未搵到最合適既人選....
唔通我真係咁奄尖??

亞龍雞飯...

今日收工之後約埋亞龍1齊返屋企煮飯仔, 食到我lam lam脷呀..^^
唔知佢點整, 但係我好鍾意食呀..

公司決定由請1個會計文員改為請1個初級文員....
個招聘post一出, 個email就勁多人send履歷過唻...話咁快就約到連聽日都full咗...
希望快啲搵到合適既人選!!!!

聽日就係老葵既last day...希望佢可以快啲適應新環境同埋新同事啦....

還原基本步...

結束咗同新同事短短2day既同事關係, 又要準備去返不停IN人既工作...
但今次既要求唔同咗, 經過商議之後, 決定請1張白紙返唻.....慢慢教.....

今日lunch一行8人去咗板長度食, 差唔多成1500蚊埋單....都幾乸利....又係ML埋單...多謝晒...
大家都係得好開心....叫咗好多嘢食...個個都飽晒.....

好快好快老葵就會走喇...不過我已經預約咗佢11月出唻唱去MEGABOX度唱K..
但係佢話要返去睇下時間表先...唉...真係忙呀....以後想約出唻都唔知要排幾耐隊喇.....:(

今晚第1次煮蝦米, 不過呢, 啲蝦米唔知點解煮極都唔熟...硬掘掘咁....哼!

新同事..

今日新同事第1日返工, 叫佢返0930. 但點知佢day 1就經已遲到....
雖然係第1日相處, 但發覺得佢真係好talk得...完全係乜都可以搭到咀...
lunch嗰時仲同ling姐non-stop咁吹水...上至天文, 下至地理都無所不談...
仲喺回程既輕鐵途中亞SA教緊我點煮節瓜蝦米肉絲既時候上演咗1幕"美女廚房"....
諗起都有D怕怕哋佢呀><

interview....day 2

今day唻in既人質素比之尋日唻既好好多...
最後有4個人選..

1個肥過我, 做事應該都幾有效率, 可惜佢要7日通知而家做緊嗰份工, 我哋未必等到佢...
最重要既係佢知所以唻見工, 就係因為而家做緊既嗰間公司係咁+work撈比佢....
佢唔LIKE, 所以就唔DO嘞, 我同LING姐聽到佢咁講, 由原本印象唔錯即刻對佢失晒分數...
因為, 我呢而家又何常唔係同佢而家既情況1樣???

1個年紀比較大, 有經驗, 但之前既經驗同我哋相比, 好似有啲9唔搭8.....
再+上LING姐壓佢到佢起薪點7.5K, 對方即刻面有難色, 所以佢並唔係首選...

1個係今次咁多求職者之中學歷, 談吐, 經驗各方面都比較平均既1個....
同樣哋, 因為佢各項都只係平平, 所以又未至於係首選喎...

仲有1個係尋晚既best of the best...學歷最高, 外貌極似細LING....
佢係最有機會今次跑出既人選, 但LING姐擔心佢唔會做得長...

當經過1輪既考慮之後, 有咗結果, 就請"細LING"...點知...原來仲有1個未見喎...決定見埋佢啦...

last 1 個...我覺得有D似老葵...講野又係細細聲....問嘢又好似有啲POINT...對答都算有紋有路...
比較同老葵唔同既係....未來既新同事....講...嘢...冇...懶...音...
好! 聽日0930見!! 唔知咁樣算係"寶物尋歸底"? 定係"遲唻先上岸"呢??

interview....day 1

今日第1日IN人, 簡直係揀唔落手...
第1個, 話要download+install個自己識用既輸入法....但唔見打得快=.="
第2個, 唔講真係以為佢唻見傳菜亞姐, 仲要同話唔識打繁體中文...@@
第3個, 未做過會計, 但係唻見會計文員post...XD
第4個, 外表正正常常, 但又係無經驗...但佢話佢識訂水喎..hair
第5個, 喺東亞銀行做咗10年, 但外表頗"ke le"...><
last one, 有沙紙有EXP+外表OK....作文OK...應該打會議記錄都OK呱....
因為時間緊迫, 見埋聽日如果再無更加合適既話, 就今日last嗰個啦!!!!!
唔捨得老葵呀T^T

這段日子...

好耐無寫BLOG, 呢段日子, 又發生咗好多事...當中有笑有淚..
原本以為"是", 原來並"不是", 有好多時候, 有好多事情, 並非必然...
最近家人, 朋友, 感情, 工作都唔係太如意...
MARY照出有腎石, 今晚中秋節, 家姐一早就去接佢出院,
原來頑皮既MARY竟然向醫院"請假",原因係要"做節",
過咗晚飯之後, 我同亞龍送咗佢返去瑪記, 好在佢亦乖乖無扭計...算係順灘...
朋友方面, 希望佢只係太忙, 而唔係其他原因啦...
感情...唉...平平淡淡就過咗第13個928....無特別, 無驚喜....
工作....老葵走lu...仲有唔夠1個月既相處時間....唔捨得....BUT....只可以接受同支持....
1向對於工作, 都覺得自己全力以赴, 總係唔想令人失望, 而每次既努力, 都比我好大既滿足感...
但係事情係相對既...要有好既表現, 就要有比自己壓力...
每次面對壓力, 都會叫自己將壓力轉為動力, 而今次....突然覺得好攰...好攰...
雖然有唔如意既事...但係都有值得開心既事既...
MARY今次入院, 好在並唔算係太大既問題, 雖然係擔心, 但總算放下心頭大石...
見到KITMAN而家好過來了...個心都替佢高興.....
老葵有更好既發展機會, 相信佢喺決定之前都以經諗過度過
希望佢快啲可以適應新既工作環境同埋同事啦..唔知嗰邊會唔會有個好似我咁多咀既同事呢???
今年又整冰皮月餅, MARY, PETER, 家姐, 亞龍通通唔係咁捧場喎...=.="
好在仲有KELLY....佢幫襯咗我1個....亞龍又被迫幫襯咗1個...其他就......T^T
仲有咕咕...今年中秋買咗個冰皮月餅比佢....同預期中1樣, 3扒2撥就鯨吞晒2個@@....衰仔..
好好好...我要振作!!!!! 往後既日子, 應該會不錯吧,....

1個壞消息...

人生....不計長短...但求精彩....可以善用生存於世上的每一天, 也是種幸福...
生老病死...誰人可以逃得過? 死亡更是必然的事, 只差在遲與早的問題...
有一天, 醫生告訴病人還有多少天, 多少時間的時候, 病人不哭反笑....他感到自己幸福...
他替自己高興, 就是為著, 他知道生命完結的日子即將到來, 而不是突然間於沒準備的情況下沒有了...
他更會爭取, 他更懂好好把握, 他更看清了自己所擁有的, 他更珍措一切...
他走之前還說...聽了醫生的告知後的生活, 才是最好的生活!
他鼓起最大的勇氣, 善用了時間, 做了想做而又可做的很多事...
對! 生病後面對死亡前, 有太多的事可以做...
對! 他無懼, 因為時間不多了, 這樣反而更要好好的活, 這樣才不枉過餘下的日子, 這樣少不枉此生..

超開心呀..

尋晚終於約到Kitman食飯...真係好耐無見佢, 去車站接佢之前真係有啲緊張呀!!
哈...以我1貫路盲既記錄...我竟然話去車站接佢....
結果就梗係出晒事啦..哈...約咗佢喺屈人寺嗰個站度等, 我預早晒時間, 去啱站, 但係都係接佢唔到...
事關..我見到架968埋站, 就懶醒打比佢叫佢落車啦...驚佢唔識嘛....
點知我見啲人落晒車都未見佢...原來...1次過唻咗2架968...佢喺後面嗰架......但又比我點咗落車喎...
換佢話唻講...佢早咗1個站落車.....= =.....要佢行咗1段路.....我認真唔掂呀....haha....
我哋1見面...就non-stop咁傾....去到瀧記....先叫咗我既最愛鹽燒三文魚頭...
再叫多個泡菜豚肉石頭鍋飯....當然..我唔會比佢食泡菜啦....所以呢...我叫咗走泡菜...
而細心既E拎....隨即同我講....話幫我轉雜菜.....真係好呀...
我驚餓親佢呀...所以就叫住先...再慢慢睇下加啲咩...我想叫蒸蛋比佢試下...好滑架嘛...
仲要加個炒野菜少油...牛肉雜炊.....點知我哋傾呀傾, 傾呀傾....傾到唔記得落order添...
去到22XX...我哋都仲係食緊個魚頭同埋石頭鍋飯...唔夠飽喎...
嗰時先諗起..原來唔記得落order..hahaaaaaaaaaaa勁搞嘢呀....
呢餐真係正...又好味...又細心...又夠清淡健康......我愛瀧野川!!!!!!
食咗正餐, 我哋都仲未想返屋企....又走咗去新B仔度食B仔西米露....
點知我又變咗做黑仔達....
繼巴士壞車...小巴爆呔....輕鐡故障...落錯車...接唔到人之後...連打架都比我遇埋...想點...= ="
不過尋晚真係超開心呀....見到佢笑...又肥嘟嘟....真係好呀.....:P