奧運聖火...

奧運聖火終於抵港, 119個火炬手合力完成傳遞...背後卻隱藏住愚昧...
早排黃小姐請我幫忙買1個車花用唻縫喺件衫1處破口位, 點知我買咗1個類似台灣國旗既番唻...
黃小姐話唔好, 因為怕出入大陸會唔方便...
我當時覺得自己好幸福, 因為可以身處香港, 可以擁有好多自由, 唔同喺大陸, 連講句說話都要小小心心...
但當我今晚喺電視機前睇傳聖火既新聞嗰時, 竟然發覺香港已經喺不知不覺間失去咗某啲自由...
1個女仔, 只係想顯示吓支雪山獅子旗啫, 即刻有9百幾萬人出唻阻止...只係1個女仔啫...無集體搞嘢喎...
1個鬼佬, 只係將支雪山獅子旗貼咗喺塊面度啫, 又走幾千萬人出唻...仲比人拘捕埋添...無用武器喎...
阿李卓仁閃出唻講吓嘢啫...又比唔知幾多人「圍」...駛唔駛呀?!
香港人係咪已經進入癲瘋狀態呢? 係咪已經有啲盲目呢?
唔係話傳聖火唔覺得難得, 唔係話唔覺得榮幸, 唔係話唔好....
但係進行緊呢件事既同時, 係咪都同時喺不經不覺間無咗1啲自由呢?
記者想採訪, 唔比採訪, 某程度上係無新聞自由...
想表達自己既立場, 想說話, 唔比表逹唔比公開講, 某程度上係無咗表達意見既自由...
就連用facebook想喺網上面結交志同道合既朋友, 都被阻撓, 某程度上亦係無咗提供同接收資訊既自由...
唔知將來既香港會唔會變成而家既大陸咁呢? 絕對唔想見到香港將來有1日會變成咁...
好記得有人話我知, 如果唔係香港人話比大陸人聽64事件, 大陸人唔知咩係64....