化學人生...

mary姐既隔離床位嗰位婆婆, 昨晚走咗喇...
雖然未曾同佢講過1句說話, 亦唔知佢咩病, 但係我好記得佢既眼神, 好無奈...
相信佢先生1定好傷心, mary姐話婆婆走之前, 不停咁叫住佢老公個名..
佢先生見到佢要走, 亦都好唔捨得, 傷心到呼天搶地...
其實嗰位婆婆應該已經好辛苦, 而家走咗, 都或者係件好事...
mary姐見到咁, 佢都不禁嘆句:「做人真係好化學...」
尋日係mary姐新舊曆牛一, 我買咗本聖經比佢做生日禮物, 希望可以比佢解下悶之外, 仲希望神可以賜給佢平安...
除此之外, 仲買咗十字架比佢掛喺聖經度, 又買咗刻住「主賜平安」既木刻匙扣比佢...
我知佢唔開心, 又難怪既...牛一收到個肝既化驗報告...證實係「中度肝硬化」...
總覺得呢幾隻字好可怕...好唔開心, 都唔知點算好...