勞動好...好勞動...

今日係51勞動節, 果然係勞動節, 我今日好勞動...
1早起身又返公司博殺, 同啲糧死過之前決定先同亞龍去嘆番個西式早餐先...
雖然話係「嘆」, 但個心仍然係放唔低公司既嘢...
差唔多11.先死到返公司開波, 計晒啲月薪糧之後, 又要計埋啲幫工糧, 真係做到人都癲...
有史以來最忙既1個月, 破晒我最多計過5間分店既糧既紀錄...
點知做到1半, 收到家姐消息, 送咗mary姐入威記...
mary姐又發燒, 又發冷, 又暈, 又嘔....我1邊做, 1邊又掛心住佢..唉~
越想叫自己專心啲目前既工作先, 但個腦又唔聽洗....最終邊打電話, 邊諗+邊做...
6.收工, 亞龍過唻公司樓下會合我, 1齊再飛過威記睇下mary姐...去到見到mary姐腫得好厲害...
好再家姐話初步既驗血report話個肝功能OK, 但究竟因咩事mary姐會病得咁金就仲未check到...
都唔知咩事!! 究竟咩樹呢?! 睇咗5分鐘都唔夠就比姑娘趕走...=.=!
跟住送咗家姐去搭車之後, 我就同亞龍去咗沙田市中心行下街兼食飯...
亞龍好努力咁提出咗好多提議, 但我全部都唔like, 或者心情麻麻, 所以乜都唔想食...
後尾諗諗下, 又唔想掃興, 最終都坐低咗喺一田食嘢...
又睇唔出, 啲嘢真係幾好食喎, 我心情即刻好咗好多.....仲食咗鹿兒島和牛添...
沿途, 亞龍不停咁用零食唻引我, 所以今日買咗好多零食呀...
過埋聽日!! 希望聽日可以順利過渡啦....啲糧可以順利, mary姐又搵到病因, 咁就好lu...
4/5係mary姐新舊曆都同1日牛一, 快啲好番, 齊齊整整食飯去喔.....><