物以罕為貴...

自從上個星期亞龍個妹搬咗唻住之後, 可以話係嚴重影響咗我既生活...
喺人哋個妹面前, 我連聲都唔敢鬧亞龍1句...廢事啦...
日日為咗唔想返到屋企同佢個妹你眼望我眼, 日日都留守公司等埋亞龍先1齊返去...
1返到去就沖涼, 沖完涼就入房.....跟住就細細聲講嘢....大聲啲都廢事....廢事啦.....廢事....啦....啦...
好在! 好在仲有個天!!!!
話說佢個妹有日要攞番啲嘢出去佢屋企, 個天就係呢個時候幫我唻個8號風球, 打大風落大雨....
佢個妹見咁既景況就梗係唔返唻啦...就係咁, 我又feel咗幾日!!
又可以粗聲粗氣咁媽亞龍呢樣嗰樣....hehe....毛梁港女!!!!!yeah!!
雖然係咁, 但呢排我先發覺, 原來2個人可以有單獨相處既時候係咁好架...
以前1直都擁有, 所以1直都唔識珍惜....點解我成日都係咁架呢....要珍惜呀!!! 要珍惜呀!! 要珍惜呀!!!
呢個月尾依然如往咁要OT...但好在要OT...時間先至過得容易1D...
好在...好在仲有份工比我消磨吓時間....