娘...

經過咁多日風風雨雨, 雨雨風風之後, 今日依然係風風雨雨, 雨雨風風...仲行雷添...= =!

真係嚇死我!! 啲雷幾鬼大聲呀!!! 我1路沖涼, 1路行雷....我真係好驚....今朝仲喊添....

嗚....好驚...個心卜卜咁跳.....嚇死凸! 行雷唔緊要呀...可唔可以唔好行得咁大聲呀...想嚇死人咩...:(

唉...尋日收工又唔記得拎番把遮返屋企, 搞到今朝無遮用...

亞龍反轉咗間屋先搵到2把遮出唻, 但外形好恐佈囉...1把係淺灰色細格(嘩!)...另1把紅色格仔(嘩!嘩!)

我諗亞龍見到嗰2件文物既反應係同我1樣既: 有無娘成咁呀?! 點攞得出街呀?! 唉~

無錯..我之前經已知道屋企有呢2件文物, 只不過係真係用唔落手, SO, 我選擇揼雨...

其實文物應該係有3件既...有1把係粉紫色縮骨...

不過上次真係太大雨, 我選擇用完即棄...1 day就比我掉咗...

今次...佢喺無得揀又落大雨既情況下揀咗把淺灰細格唻用...

我諗如果唔係佢之前揼咗幾日雨病病哋, 佢1定唔會用囉....haha

而我....嘩! 嘩! 嘩! 紅格!!!!!!!! 死得!!!

我今次唔用唔得架喇喎...唔遮雨都要擋雷啦......

最終用凸......超娘呀....嗚.....

←沿途搭車要扮唔識佢...haha...pat埋咗佢喺1邊....haha