有衣食!

尋晚叫咗MARY姐上唻食飯, 煮咗豆腐泡煮魚, 節瓜炒瘦肉同埋拿手既豆腐蒸水蛋!!
點知又係預期中咁失晒手! 本應諗住買鯇魚腩, 點知買錯咗大魚腩, 返到屋企先知買錯咗!!
3個人食, 我炒咗3個節瓜, 放晒落個鑊度先發覺放滿晒成個鑊, 多到炒都炒唔到! MARY姐話我癡線!!
連最拿手既蒸水蛋都出埋事, 今次第1次唔用百福, 改用維他豆腐, 點知2條友仔都話豆腐無豆味=.=!
第1味煮既話係魚魚, 煮到出唻2條友仔都好奇怪咁望住我, 原來佢哋話:「魚..就梗係最尾先煮架啦!!」
果然, 碟魚勁"聲"! 我食咗1小啖, 自己食完都想嘔...哇哈哈!! 第1次連自己食都想嘔! 勁搞笑!
最終碟大家都唔敢再食...哈~~~~~~
雖然係咁, 但係有衣食既我今日再接再勵再煮過, 識下用涼瓜豆豉唻煮隔夜魚!!
呀! 煮出唻既效果又唔錯喎, 亞龍仲食到lam lam脷添! 最終食晒!! 佢仲1路食1路讚好味添!
好嘢呀! 最終都無side到碟魚呀!!!!! 開心開心好開心! 好電呀~~~~~~~~~~