破戒破戒...罪過罪過...

今日係亞媽既牛1, 我哋一家人同埋姨媽1齊出去食飯...看見滿枱美食, 實在係好難忍口...
1開波, 唻咗碟脆皮燒腩仔, 望落去超正, 但因為仲係前菜1碟, 所以我暫時都仲忍得住, 1件都無食...=.=
跟住再唻咗碟燒鵝, 睇住熱哄哄既汁淋落去果陣, 我大大力咁吸咗1淡大氣, 心諗:「聞咗就當食咗...」
再唻, 黑椒西芹炒鴕鳥肉, 因為我不嬲都唔食鴕鳥肉既關係, 所以我只係揀咗啲西芹食...(城門仲守得住..)
繼燒鵝之後, 又整咗碟燒雞, 我見佢無乜油, 又唔係炸喎, 咁我就食咗1件大大件既...走皮!!
食完之後, 我feel到我開始失控...
跟住諗落咁搞法唔掂喎...所以再食咗幾舊仔蒸魚同幾塊花枝片之後, 我就決定改攻菜類!!
洋葱啦! 雲耳啦! 通菜啦! 西芹啦! 西蘭花啦! 統統逃唔過我個咀同個大胃!!
可惜, 酒樓嘢始終都多油, 就算係菜, 都好油呢!!!!!!
食完之後覺得好有罪惡感呀!! 城門夾住喺失與守中間, 我個心忐忑不安...
漏咗!! 我仲食咗1碗白粥添呀~~~~~~今次大鑊!!! 救命呀!! 唔知超咗幾多呢???