美味青椒炒雞柳...

收工葵葵陪咗我去巿中心格價, 睇下邊度買隱形眼鏡抵啲, 咁就煩住葵葵煩到差唔多8點...

副len要星期1先有得攞, 隻眼又要捱多幾日, 仲諗住可以帶住con去打羽毛波會方便啲, 點知...唉~

返到屋企淨係食咗1個橙同1個奇異果, OK飽!!
跟住就攞番尋日用黑椒醃咗既雞柳唻炒青椒, 聽日帶飯....仍然係多菜少肉!!
本來係炒洋葱而唔係炒青椒架, 但係銀座間百佳竟然無得買單個既洋葱, 係都要人哋買哂成袋!!!
我當然唔會買啦, 因為根本食唔哂!!! 所以就轉咗用青椒炒, 希望同樣好味啦!!!
聽日就係Mary姐生日, 我同家姐1家仲有Peter仔當然會同佢食飯啦!!!
好在家姐今日打唻提我, 如果唔係我都唔醒起Mary姐生日呀!!!XD
簡直不孝! 家姐仲話我係衰女包添!!! 嗚~