我係KOA...

長假既第1日...
話說一嬲都咁勤力既我, 一早就揚哂今日會返工, 最衰都係亞龍啦, 原來佢今日都係放假喎,
見佢難得1日有假放, 作為一個稱職又完美既女朋友, 梗係變改主意留番喺屋企陪佢啦!
就係咁樣, 今日起, 我就得到1個被公認的美譽─KOA(King Of L平)...hair

我放假陪佢, 佢就反而做咗大大半日豬! 瞓到1700先起身!!(有冇咁瞓得呀?!)
本應都已經火火哋, 不過見佢話同我喺屋企打邊邊, 咁條氣都順番啲!!

買咗2款肥牛, 極品同劣品! 極品肥牛係我既, 另一種就當然係....佢架啦!!
跟住仲買咗珍珠生根, 上次喺家姐屋企第1次食, 點知對佢一定鍾情, 估唔到連天水圍都有得買, 好嘢!!!
佢今日買唔到脆肉鯇, 有啲失望, 無得揀既情況之下, 唯有決定退而求其次, 改買石斑..
第1次買石斑唻打邊邊, 原來都相當抵食架..20蚊都有交易!
好開心呀, 我捉咗佢同我去Park'n度買咗好多調味品同罐頭, 全部係重嘢!
其實平日我專登唔買住, 想抽鬼死我咩, 但今日... ... 哈! 哈! 哈!....