長假前夕...

聽日就開始1連5日既復活節假期, 因為亞龍無得放紅日, 所以我諗住返工,
反正我一個人喺屋企都係無嘢搞架啦...倒不如我留起啲假期, 等有事既事候可以放嘛...
今日放學又去咗打波, 都打咗一段時間架啦, 但係都好似唔見效咁既, 小儀仲誇, 佢話不瘦反肥添呀...咁死得啦, 點算?!
雖然我哋book既係1個羽毛波場, 但當我同葵葵打既時候, 只雖佔用1/4個場就OK喇,
事關佢話隻腳唔係好掂, 所以大部份時間都係企喺有限既範圍度打,
實行「3不正策」!! 包括「不跑、不動、不跳」, 除此之外,
佢仲齋用手喺高處以慢動作咁NEW停個波, 同有限度接波兼以有限既力度打番個波而啱啱過網...hair
咁都不特只! 租咗7號場, 簡直係抵租......
除咗打羽毛波之外, 葵葵仲喺個場度打「網球」, 而小儀就打「欖球」添!!
(有人猛咁向住個網打波, 而唔係向住對手打, 另外又有人專係歡喜攬實個波既...真抵死!!)
唔知今日小儀係咪好攰呢, 喺個場度起碼掟咗3次拍, 攪到同佢1邊場既葵葵面都青埋...哈!
打波前喺佢哋既支持下, 終於決定去惠康買餸煮飯!
是日晚餐: 清蒸桂花魚, 豆豉青椒炒雞柳
今次係第一次買桂花魚, 佢個魚樣都幾得人驚, 個咀又唔知點咁, 好在雙眼好細...
成條魚都無鱗, 硬係好似怪怪哋咁....不過就幾易洗...
青椒3個都只係3蚊, 超抵!!
亞龍對今日條魚讚不絕口, 成條同我清咗, 但碟雞柳佢就話太dry....
anyway, 是日晚餐全清!!!!!!GOOD!!!!