得得哋!

唔知係咪人老咗, 以前日日反通頂都無事, 而家...唉!
星期6出城反到點幾鐘已經唔係好頂得順, 好掛住屋企張床! 加上有亞龍既奪命追魂CALL, 想唔早啲返屋企都唔得!
差唔多3點先至由城返到「鄉下」, 沖埋涼搞埋嘢, 成4點幾先瞓...
今朝8.9又約咗葵葵同小儀去聽講座, 3粒鐘既「課程」聽到我哋3個都眼琼琼!
其實佢哋都係為咗陪我先至去聽, 因為我想做健身呀! 幫助燃燒脂肪嘛!!
原本我哋都係諗住齋聽完就會派證書, 點知原來仲要唻個簡單筆試架!
雖然只係10條MC, 但都已經嚇到我腳仔軟...(唔得好瘀架嘛!)
搞事呀! 我哋各自填好張卷之後, 即刻偷偷哋做咗個互對答案既動作, 竟然有出入呀!
大家即刻都好驚! 我心諗, 唔係咁搞事呱, 唔好錯2題或以上呀! 當肥佬架!
跟住, 我哋決定3張卷都改成相同既答案! 死就一齊死啦!!!
最搞笑係, 我見到亞SIR望到我哋喺度搞事, 佢不但無出聲, 仲即刻岳高頭扮睇唔到添! 真係得得哋!!
今日個亞SIR如果後生10-15年, 必定係一個溝死女既靚仔呀~真係得得哋架!!!
當然啦! 我哋3個都係叻女唻架嘛! 梗PASS啦!!!
所以就去咗唱LUNCH K慶祝! 之後佢哋仲帶我去埋新墟行街巿同教我買餸添!
我好開心呀! 真係好開心呀! 原來新墟好多嘢買架! 又方便喎! 又便喎! 又多選擇喎!又....
返到去天水圍, 死咗一半既我, 仲要堅持同亞龍去買榴槤! 簡真係非人生活呀!! 好攰呀...Z..zz..