得咗! 好嘢!

今朝亞龍打電話比我, 話咗比我知, 佢一直目標, 今個月已經做到咗喇...
真係替佢高興, 起初佢定下呢個目標, 身邊既同事基乎都係覺得佢係妄想, 但今日終於都得喇!
我相信佢喺一定好有成功感, 由初初接手係最尾, 到而家差唔多係佢條LINE裡面既TOP SALE,
真係見到佢好努力咁做...佢話呢份工可以學到好多嘢, 見到好多唔同既人...
希望佢呢份工可以帶到更多更多既嘢比佢...
今晚餐飯有啲唔同, 由清蒸鯇魚改咗做清蒸大魚+腐乳通菜炒牛肉!!
第1次炒, 佢話我炒得老得滯喎, 其實我都覺, 又買多咗牛肉, 啲菜又炒到淋哂, 仲洗咗我好鬼耐添呀!!
喳喳都煲咗, 得係比葵葵講中咗, 落水落得少得滯呀!! 激死! 杰到連西米都加唔到落去...
仲話聽日帶返公司添...XD