2009年5月12日 星期二

2009孖打地...

今年既"麻麻地"1啲都唔麻麻地...
1餐晚飯, 內包3大意義...
母親節啦...預祝peter牛1啦....仲有晴晴既12歲生日....大個女lu....
晨吉咁早我就起咗身...例牌搭咗1粒鐘既53號巴士去搵亞MARY姐....
唔like搭乜鐵物鐵既我, 有15分鐘既west rail唔搭, 揀咗搭架1粒鐘既bus....
雖然車程係耐啲, 但係我好enjoy...沿途心情開朗...又可以望下沿路既好風景...goooooooooood..
今日既第1個行程, 就係去聽mary唱粵曲比d公公婆婆聽...而我捧場之餘, 仲希望做下義工幫手執完場..
mary唱第4支, 我去到既時候佢都經已差唔多化好妝...嘩...索.....
亞mary姐同另1個同時間裝緊身既ee比較之下...mary排場勁好多....佢竟然book咗個私人既化妝師...
當人哋雞手鴨腳, 用d好唔pro既手勢唻你幫我整, 我幫你整既時候...(可以話係乸手唔成世...= =")
mary姐淡淡定定坐喺度比人服侍....果然係mary姐....
可惜...淡定既mary姐雖然淡定, 但佢既眼神仍然逃唔過我隻眼....
我睇得出..佢見到我兩手吉吉咁, 乜都無帶去送比佢既時候....佢....咇咗少少失望既表情出唻....
我即刻FEEL到賴嘢嘞今次....so我即刻急call家姐, 叫佢1定要買番札花過唻穩陣d.....
我哋1直收埋札花, 準備等佢唱完歌仔就喺台下送比佢...等佢實派下....
點知, 坐喺台下欣賞既我哋, 望住亞mary姐又失聲, 又入錯, 又走音....真係好鬼想笑出唻, 但梗係要忍住啦..haha
佢唱完之後, 我哋見無嘢好做, 但又唔走得喎, so就拉埋亞peter仔1齊出唻喺附近飲下午茶喇...
去到嗰陣酒樓, 有驚喜呀.....因為我見到我好耐都無見過既點心車呀......
仲係好鬼死懷舊嗰隻添呀...我話要影相..
個姐姐仲好搞笑咁叫鬼唔好影到佢, 佢仲幫我拉番好條毛巾先比我影添呀...^^

飲完茶之後, 因為時間同埋耐性既關係..實在等唔到落去喇....
所以就3個人去咗買餸....決定由得亞mary自己留低....so...無幫手執完場lu......
唉...好耐都無做義工咁....好miss以前同1班朋友做義工既日子呀.....即刻諗起leader club佢哋呀....
唔知亞威而家點呢? 論文寫成點呢? kitman既情況又點呢? carol又幾時生bb呢?...

去買餸嗰時...peter仔又教我點揀點揀....仲帶我去買磨刀石...承惠$2.....返到屋企仲教我磨刀添...
仲帶我去行街巿, 教我揀靚既節瓜.....
比起家姐...我真係差好遠, 我又唔識買餸...連買磨刀石都唔識...去街巿又驚驚青青....想點...唉..

食完飯...夜晚9.鐘就走....
1如既往...仍然係唔搭west rail.....搭番53返去....
點知..我程竟然用咗足足2粒鐘先返到屋企.....哈哈....
mary姐同家姐都話我癡線....我係呀!!! 我認架...哈哈...我真係好鍾意搭53...嘻嘻...

1 則留言:

葵葵 提到...

掛住佢哋快D搵返人哋..得閒約吓D朋友仔..都好開心嫁...

舊石呢..把刀呢..磨成點呀...
快D影上嚟啦~