第1次mung鬚...

今日第1次mung鬚呀...好痛好痛...個人中位1向都生好多毛毛....1直都怕, 唔理唔理...
怕痛啦, 又怕mung咗之後生番出唻會越生越粗啦, 又怕呢樣又怕嗰樣...
但係自從上次比亞SA幫我mung眉之後, 又真係覺得醒神咗喎...所以今日又比佢試下mung埋啲毛毛..
又真係OK喎....成個人望落都好似白咗, 醒咗, 靚咗, 乾淨咗咁呀!!!!!嘻嘻....個樣都女仔咗呀...
最衰塊面有幾粒大暗瘡啦.....如果唔係會仲好睇啲....
唻緊仲會轉埋用Loreal既"水清新"嗰條line....希望啲皮膚飲多啲水呀!!!! 飲呀!!! 飲呀!!!
年過25既我, 新陳代謝明顯冇"後生"時咁好....冇得唔認老...要keep下先得....come擺啲呀要~
今日真係好開心, 香薰返咗...今晚又可以點小白菊....等啲蚊蟲唔好再晚晚錫我....
日本枝豆又有貨返.....放工就可以去攞....
除咗人中毛毛之後, 我頭頂嗰條"中間界"都跟咗我好耐呀!!!!
我知道話晒佢跟咗我咁耐, 唔係咁易飛得甩佢, 但係髮線越唻越高, 真係好鬼驚...
所以, 前排就走咗去剪短啲頭髮, 希望佢哋生生性性, 唔好再甩咁多喇...
不過剪短咗個頭, 感覺怪怪的....仲有好多人問我:「你個頭想點?!」
所以呢, 而家日日要gel頭返工, +埋成龍推介, +埋焗油, +埋gel頭....但出唻既效果同回響都係麻麻..
但今日!! 今日終於有轉機!! 就係喺亞SA既推動之下...我試下飛咗條"中間界"佢!!!!
我要同"中間界"劃清界線!!!!!
今日既一切....令到我好鬼死鍾意自己添......呵呵呵.....