我無放棄呀~

當我將D唔得既出品比D同事試嗰陣, 佢哋D樣好搞笑囉...
大多數都係放入口之後好似唔多敢趙咁...含住先...大家係咪都覺得唔趙會比較穩陣呢下..哈哈哈..
老葵仲唔多相信自己食緊嗰舊係雞唻添...笑死..
接收咗各方既意見之後, 尋晚再接再勵, 去買返同樣既餸, 決定將煮唔掂既餸copy多次!!!! 唔得煮到得為止!!!
皇天不負有心人! 尋日煮既西蘭花炒雞同烚白菜仔, 全部都食得喇!!!!! 好嘢!!!!!!
原來我煮飯真係要慢慢唻架!! 快唔得架!! 要好慢好慢, 好小心咁煮先至食得落口...
今次呢...西蘭花唔再淋借借, 煮出唻爽口, 但更爽會好啲..今次仲聽亞SHA講, 留返嗰舊硬嘢...唔掉!!
啲雞呢, 亦唔再實的的咁, 因為今次無再落鹽醃佢, 用咗3寶:豉油, 豆粉同DDDDDD既糖+水....味道幾好...
至於烚白菜仔呢, 好味, 好在D菜本身夠甜....
我無放棄呀!! 我終於都得咗喇!!!!!!!!!YEAH!!!
仲有喎, 我仲學識咗點樣切西蘭花同埋點樣揀白菜仔添呀!!!!!