攰死我喇~

今日喺毫無心理同生理既情況下, 放工走咗去新居洗廚房!!
本應就無諗住去洗既, 但老葵又話陪我去洗喎, 咁我咪大佢囉...我話如果VICKY去既話咪去囉...
點知VICKY真係話去喎.....就係咁, 我哋1行3人就走咗上去...
佢哋全程睇住我洗, 我好攰呀! 但我知道佢哋都唔會舒服得過我好多...
因為間屋仲係咩都無, 我洗洗下見到VICKY攰到要踎喺度, 真係覺得勁唔好意思呀...
老葵見我洗呢樣抺嗰樣, 佢又話要幫手喎....唉...我又點好意思呢...咁污糟.....老葵今日仲著裙添...
佢哋真係唔話得呀, 其實我知佢哋趕住返屋企食飯架, 老葵屋企仲打電話問佢幾時返添....
都好...如果唔係佢哋監察住我, 我1定洗唔到成個廚房架...
佢哋又幫我遞呢樣遞嗰樣, 又幫我用垃圾袋包住著鞋, 仲教埋我點洗點洗添....真係唔該晒...^3^..
老葵走嗰時仲唔知吸到啲乜嘢, 係咪咳...VICKY又企到攰晒, 仲要2個1齊搭返咁耐車返去...真係唔好意思...
下次吖...下次1定要搵機會報答返佢哋先得喇...
好....開始要倒數遷出嘉湖入住塘坊既日子喇....