失聲again...

尋晚係喺屏山住既第2日, 我同咕咕相相失聲...
我失聲係因為尋晚喺X海失控...=.=....Jacky~Jacky~Jacky~V呀~V呀~喂~嘩~~~~
喺無數次既尖叫大叫之下...我...有啲喉嚨痛.....hair
或者尋晚因為坐埋都唔夠1圍枱, 嗰餐真係食得好飽好飽...
23:15喺兆康上車, 7分鐘就返到坑尾村站, 返到屋企前後10分鐘, 亞龍話:「呢度又幾方便喎..」
其實又算係幾好既, 但係環境同配套就差好遠lu.....
返到去, 無聽到咕咕吠, 跟住亞龍成晚瞓廳陪佢, 只有咁樣, 我哋3隻嘢先可以好好哋咁1覺瞓到大天光...
到今朝我起身, 靜靜雞「裝」吓咕咕, 唔知佢係1早醒咗定係成晚無瞓過.....!!
佢眼定定咁望住仲瞓到好似豬咁既亞龍..慌死亞龍會走咗去咁...我真係心都痛埋...
咕咕好似成個小朋友咁, 成日都要見到我哋...
到出問, 我終於聽到佢吠喇...無陰公....佢把聲沙晒呀....吠得1啲都唔響.....好慘呀...
仲死都唔肯入房, 仲喺廳度賴咗篤尿添呀....吠到失晒聲都要吠....
陳咕咕你乖啦...我哋搬屋咋..唔係唔要你架....咕咕乖....
今日收工又無得返屋企, 要去YL......亞龍今日又要出去做嘢....咕咕實好慘喇.....