最美麗的7天...

聽日下午就會同MARY姐去攞新居既鎖匙, 由聽日開始計, 會有7日既交接期比我清潔吓間屋...
7日之後, 即係9月28日, 我就會正式搬離呢度, 當然, 呢度有好多回憶, 但係我1D都唔留戀...
最好盡快閃, 因為實在唔想再對住佢個妹, 簡直想死, 日日面黑黑咁...
聽日有好多嘢要搞, 要拜4角啦, 要訂雪櫃同洗衣機, 仲要焗蝨...
第2日就要開始清理, pack好要搬既嘢....
第3日....都係唔諗喇...見步行步啦...船到橋頭自然直嘛....

尋日真係好想打比kitman, 但又驚阻住佢, 最終都係無打...
又想打比大魔問下佢既情況, 但又係驚阻住佢, 最終又係無打...
好在夜晚喺MSN見到佢ONLINE, 問候咗佢LU....
點解最近好似好多事發生咁既???

越唻越接近926.....到時肯亂到爆....唉.....