關於SAA...

唔記得喺幾耐之前, 認識了"SAA"呢個名字..
SAA=保護遺棄動物協會...
記得初之接觸呢個機構, 係因為好想好想領養1隻狗仔...當時我同自己講, 狗BB的確係好可愛...
但當諗到有好多好多被遺棄既狗仔正等待緊, 希望可以有個「家」既嗰陣...
我決定咗...唔買狗仔...我要領養!!!!!
呢個世界有供就有求...真係唔想助長嗰D無良既狗販再配咁多狗仔出唻賺錢....
D狗仔1日1日咁長大, 賣得出既機會就會越唻越細....最終....只有被遺棄....甚至被人們放棄佢哋既生命..
當時就係因為有呢個想法, 所以就去咗SAA...準備領養....
最重要既係, SAA並唔係淨係保護狗仔..佢係乜嘢動物都會保護架...
豬啦, 雞啦, 羊啦, 龜啦, 兔啦, 鼠啦, 貓啦....仲有好多好多...
佢哋抱住「愛是不殺不棄」既忠旨...
好好咁養佢哋過世.....有人領養又無, 無人領養都好...全部都唔會被人道毀滅....
雖然...最終我都係去咗愛護動物協會度拎咗咕咕返唻(緣份..無得講既..)...但1直我都好支持SAA呢個機構...
遇著有活動, 我都會參與1下....捐下錢....除咗出錢, 我仲想出力....所以就登記咗做義工....
早幾日, 收到佢哋既電話, 30/7賣旗日好缺義工...我諗都無諗, 就應承咗....
雖然月尾係我最忙既日子, 但係我寧願OT...都要請假去幫手!!
已經好耐無賣過旗喇...買就有...有啲緊張添...
意想不到既係...今次參加並唔只係我1個...仲有葵葵同亞KIT都同我1齊專登請假出去添....真好~
真係無諗過葵葵同亞KIT都會想去...由其係葵葵..佢要同我1齊請假架嘛...
月尾佢又忙...佢之前仲要同我講佢無假架喇..佢咁都去...真係好有心呀...
不過聽日實係好熱....HAHA...唔知我會唔會中暑呢???
我順道都趁呢個機會想帶晴晴出去做下義工...為社會貢獻...等佢有多1D美好回憶...活得更有義意..
記得以前我參與義工, 真係有好多得著...
認咗1班好朋友...視野擴闊咗好多...
而家有好多想法..都係嗰時義工時代既深遠影響.....
永遠都係...施比受更有福....
我太幸福了....
(SAA網址:www.saa.org.hk)