happy day!! 多謝晒!!!

開心!! 因為我身邊既1班同事....
佢哋...令我每日都期待返工...返工...就好似去反1樣....
雖然...有忙個不停既時候, 但都同樣有被關懷既時候....
真係做嘢做到癲做到傻既時候, 佢哋都會忍受我大大聲"fung"機....
又會由得我大聲叫, 大聲嗌, 大聲講, 大聲笑...由得我盡情發洩....真係多謝晒...
又安然渡過咗工作繁鎖既6月尾...不過今個月無得停, 因為喺7月中, 有1間分店要結業....
我要開始準備啲書信呀...通知呀...計糧呀...大假呀...存假呀...
就係呢個時候...我又感受到「支持」喇!!!
因為我收咗3份禮物呀....有2份仲係親手整添架...1份呢就係我係咁2提下就真係有人送比我....嘻嘻

亞SA送咗1個mon套比我...係用十字繡1針1針咁繡上去架...
佢仲加埋塊布喺背面, 等佢唔會透光, 睇出唻更加靚啲....
我自己都整過十字繡...真係要好有心機先得....佢不單只繡比我, 仲幫我度埋位整埋位....
個套啱啱好架...fit晒我個mon....yeah!!!
我就無鬼用啦...無咁既耐性...連我家姐第1次整都整得靚過我....T^T


葵葵今朝送咗個襪公仔比我呀...
上次我哋1齊上大陸, 見到本用襪整公仔既書, 我見好得意, so買咗諗住學下整...
但3分鐘熱度既我試過整之後發覺原來比想像中難整....所以整咗1隻(好核突), 掉咗lu....><
仲記得當時葵葵仲同我講:「你記得整隻比我呀...」....點知...而家係佢整咗隻比我...=.=!
佢整呢隻嘢既背後仲好有心思架...哈哈哈...佢喺隻兔既背面繡咗粒「電」...喻意黑色電兔... 即係我...!!
哈哈哈哈...成隻嘢最正係個pat呀!! 仲有粒「尾」添架...真係有頭有尾...哈...似我...(喪笑中..)

Mimi san呢就送咗隻「亞寶」比我...
事源係SA話睇完功夫熊貓之後, 話戲裡面既熊貓「亞寶」勁似我...(1樣咁可愛..XD)
咁我就對SA話:「亞寶既然咁Q, 如果佢出精品既話, 你1定要買番隻過我先得喇...hair」...
點知Mimi san聽到..佢咁啱又去M記買早餐喎, 見到M記有, 佢就買咗隻比我喇......
亞寶超肥...有個大肚dum, 好Q呀......不過1啲都唔似我.....><....我咁靚!! 又無黑眼圈...

係喎...之前整咗啲栗子...反應好1般...=.=.....
有啲話太硬...有啲又話太甜...Mary姐同家姐直情唔想吞落口添....作死...
其實都唔難食吖...人哋鍾意食硬D吖嘛...有咬口呀....唉...我煮嘢都係無乜天份....hair