年卅晚喇...

呵呵~
今個新年相信將會係1個特別, 開心, 難忘, 溫馨....既1個農曆新年.....
事關識咗亞龍11年, 佢今年終於都肯陪我上番禺過年喇...亦係佢咁大個仔第1次返大陸....
因為要照顧陳咕咕既關係, 所以年初2就會返唻, 雖然只係短短2日, 但我真係好期待呀!!!
家姐1家, Mary & Peter, 我同亞龍....終於齊人! 齊齊北上呀!!!!
雖然今年天氣好凍...但我就覺得好有新年氣氛喇....農曆新年都係凍啲好...hehe
早幾日買嗰棵水仙BB已經大咗好多喇! 仲有花冧tim!!
因為唻緊幾日係假期, 所以今朝我就同小葵夾手夾腳幫仙仙扮靚靚...真係好鬼靚呀!!
小葵喺佢屋企帶在條紅紙比我圍住仙仙, 因為我手字實在太太太....差...所以...
小葵建議我用電腦print「花開富貴」喺將紅紙條上面...
我哋幾驚個printer食紙呀!! 因為得1001張紅紙條架咋...1食紙就無得圍架喇...
好在!! 我哋最終順利1 take過print到!! yeah!!!
除咗紅紙之外, 我仲放咗條假既魚魚落去, 又掛咗個假煎堆仔上去...小葵話: 好似聖誕樹=.=!
祝大家花開富貴! 金銀滿屋! 年年有餘呀!!!!!!!

(連MRK都話靚呀...hehe)