08的第1天...嘻嘻

07既第1篇BLOG:

新年快樂!!!!!!!!!!
2007年1月1日 晴
雖然無乜特別事發生呀, 但係新年始終係新年, 心情果然係唔同啲,
寧舍興奮呀!!!!!!
我來年一定要繼續努力呀!!!!!!
相信必定會比今年好好好好好好好好.............
祝願個個都開開心心, 世界和平, 事事向好........

2008年既第1日!! 今朝瞓到13XX先起身呀!! 瞓瞓下聽到亞龍好溫柔咁叫我起身......
同佢反到成05XX先返到天水圍, 雖然搭咗好耐車, 雖然好攰, 但真係反得好開心呀!!!
尋晚同佢21XX由天水圍出發去九龍站度睇IFC放煙花, 啲煙花好靚呀!! 我哋仲帶埋咕咕仔去添呀~
第1次帶咕咕出去倒數呀!!! 因為其他途人都好期待新1年既來臨, 所以只要稍稍有少少動靜, 都會大呼大叫...
而咕咕...尋晚就做咗震震狗....好搞笑....佢1定又凍又驚, 心諗: 啲人嗌乜呢?!
啲煙花真係好靚, 我哋企果個位亦好正!!
眼前就係6-7幢既大廈1齊喺倒數前15分鐘做幻彩詠香江...個角度真係1流!! 1眼睇晒!!
而IFC既煙花同之前睇既感覺好唔同...
雖然聽唔到佢嘭嘭聲同音樂, 但係睇落就好有立體感同埋編排得好好, 效果好好!! 正呀~~~~
而08年打出既第1個電話就係打比MARY & PETER!!
而家姐.....佢竟然係喺睡夢中唔經唔覺咁踏入咗2008年...=.=" 服咗佢...
睇完煙花之後就搭船去咗中環再轉叮叮落灣仔海濱長廊, 即係HK唯1真正既狗公園呀!!!
去完狗公園之後又仲去埋西灣河出名既太安樓!!
而果度之所以出名, 就係因為果度有好多嘢食架!!好多人都會專誠過去掃街架!!
其中最正既就係「亞叔串燒」同埋車仔麵!! 真係好正架!!!! 好味到出晒名, 亞蘇都去過幫襯呀!!

呢日過得特別開心, 唔多唔少都係因為咕咕!! 咕咕真係好可愛, 好似1個小朋友咁...
平時都無咩時間理佢, 所以今日決定帶埋佢出去1齊反, 希望佢同我哋1樣都係咁開心啦!!
咕咕呢日第1次搭船同搭叮叮, 仲終於食到聞名已久既亞叔串燒雞同腸仔, 又去過狗公園...
由天水圍出發, 去到尖咀散步, 再去中環散步, 又去狗公園狂跑.....咕咕可謂做咗好多新嘗試呀!!
我哋每帶佢到1個地方, 都會比佢落地行下同埋聞下, 希望佢都可以見識下外面既世界啦!!!
我哋要再諗下咕咕仲有D咩嘢未試過呢?! 1定要再帶佢去反下!!! 好開心呀!!!!
真係要多謝亞龍, 佢孭咕咕孭足全程呀! 咕咕咁重, 佢1定好攰喇...
返到屋企我唔理3721就走咗去眠, 而佢就仲要幫咕咕沖埋涼先抖得...真係多謝晒佢呀!!
今朝我哋無聊計下尋日用咗幾多錢啦..點知用咗2舊水都無呀!!!!!!!! 真係估唔到呀!!
原來開心真係好簡單, 唔駛1定要有好多錢既, 只要有愛同珍惜就已經好足夠了...
可以生活喺香港真係好呀!! 香港唔存在種族歧視, 無恐怖襲擊, 又有言論自由, 感覺真係好幸福呀!

我來年一定要繼續努力呀!!!!!!
相信必定會比今年好好好好好好好好.............
祝願個個都開開心心, 世界和平, 事事向好........

《蘋果日報》
大除夕的異彩，由2007爆發到2008，在維港上空閃耀。旅遊發展局首次舉辦「幻彩詠香江」除夕倒數，特別加插大廈樓頂煙火效果，吸引萬計人群在尖沙嘴海濱觀賞。
幻彩詠香江晚上11時40分展開，首先上演約13分鐘的燈光音樂匯演，兩岸幾幢大廈發放煙火點綴。煙火燈光亮爆維港45萬人高潮在除夕最後20秒，國際金融中心二期外牆兩側燃起煙火，同時間，附近的長江中心、美國國際集團大廈、合和中心等外牆亮起倒數時間。海濱的人群力竭聲嘶倒數，零時零分，國金外牆隨即呈現「2008」字樣的煙火圖案，維港兩岸大廈同步綻放燦爛煙火與燈光，亮爆2008第一線。

《明報》
維港兩岸近40萬市民熱烈興奮的元旦倒數聲勢，在幻彩詠香江及中環國際金融中心20秒逐層輪住「噴火」的火辣倒數表演下，將全城迎接新年的氣氛推至「熱爆燈」，並將只有12℃的2007年大除夕寒夜送走。
不少市民表示，由於從未見過國金「噴火」，故特別走到尖沙嘴海旁湊熱鬧，為取得最佳位置，早在晚上八九點已往霸位，毋懼刺骨寒風。

《東方日報》
為欣賞除夕版「幻彩詠香江」最佳位置，尖沙咀文化中心一帶早於下午五時已有巿民「霸頭位」等候，晚上七時半已告爆滿，灣仔金紫荊廣場人流相對較疏落，警方估計約有四十萬人在維港兩岸送舊迎新。
除夕版「幻彩詠香江」在晚上十一時四十三分展開，約十三分鐘的燈光音樂及煙火匯演過後，在踏入○八年前的最後二十秒，國金二期北面外牆兩側逐秒向上燃放煙火，東企業廣場、合和中心等四座建築物的外牆巨型螢幕則同步顯示倒數時間，至零時零分，倒數氣氛邁向高峰，「2008」字樣的煙火圖案高空顯現，維港兩岸歡呼聲此起彼落，人人笑意盈盈。