MK的1個晚上...

尋日, 係我第27個生日...
尋晚, MARY姐幫我喺MK搞咗個B-DAY派對...
聞說呢個派對既目的係為我沖喜...
成個扒地就好似做咗場SHOW咁...
出席既人, 莫講話我, 就連我家姐有啲都未見過既...=.=
訂咗2間房, 諗住老1間, 嫩1間, 大家分開反, 大家都好, 話晒點都會有代溝架嘛...
原意係1間唱粵曲, 1間唱時代曲既, 但點不知, 長輩們對卡拉OK既興趣比我哋呢啲嫩既仲厲害!!!
佢哋老實唔客氣咁唱咗廿幾卅首佢哋嗰個年代既時代曲...- -
「你回來吧」、「新禪院鐘聲」嗰類呢..........
夠膽死叫我哋點歌, 但係點完都仲要等3pages先排到隊囉~(高音地)
4支MIC, 4個長輩長搾唔放...hair...+上有「陌生人」响樹...睇唻...我並唔係「主腳」...
anyway..我亦唔恨...哈...只不過...真係太悶...
直至上菜, 可以有嘢放落口既時候...班人先肯放低個MIC, 順道比我隻耳仔休息下...
我同家姐, 終於都有得掂下支MIC喇!!!!
經過1輪自助式既晚餐之後, 無啦啦播咗首生日歌, 大家高高興興1齊唱晒成首有中有英既生日歌送比我...
但奇怪既事就喺呢個時候發生喇!!!!!
唱完生日歌, 理應應該係切餅環節先係架...我個餅呢?!
大家等咗1陣, 個25歲既肥仔侍應終於都捧咗個New York豬屎cake入唻.....佢遲到咗...=.=!
生日歌最終要take2, 而唱緊生日歌既同時, 螢幕show出下一首歌將會係梁靜茹既〝分手快樂〞!!
... ... ... ... ... ...
hair~~~~O晒咀...
都算喇...有我既最愛豬屎cake...算啦...
點知...怪事又發生!!!
唔知係咪我太心急....望住個豬屎cake...又影咗1輪相之後....我....竟然.....
無! 許! 願! 就! 吹! 爉! 燭!
我skip咗個step呀死嘢!!!!!!!搞咩呀????
場戲做完之後我問MARY姐:
「阿邊個邊個乜水唻架? 亞邊個邊個呢...咁邊個邊個又有咩關係架...」
佢既答覆, 令我有啲意外....
原來其中1個邊個邊個係MARY姐呢邊既親戚既老婆嗰邊既親戚!!!! 乜水呀~~~~~~~救命!!!!!
再覆雜啲添丫笨!!!!! 都真係咩都夠膽死架!!!!!!!!! 全部都傻架.....
家姐1家非常之醒!! 食完就快快閃咗..無謂再要耳仔繼續受罪...!!
不過家姐病病哋都唻陪我...真係好呀!!! 仲有姐夫gel晒頭咁唻...哈...可惜嘥咗啲gel丫...哈
kelly妹都好唔話得呀...送咗張咭比我...話時話, 佢啲字仲靚過佢亞媽啲字!! hehe...
而亞龍, 就比我拉咗過隔離房度唱歌仔過我聽...
我哋較暗咗啲燈..連入唻執嘢嗰條友仔都話我哋乜咁好氣紛呀...哈
個場11.就完, 本來預計2250先比番個場人哋, 點知MARY姐好似好趕咁...2210就嗌走喇...嗚~
人哋啱啱先開始.....

其實個場幾好架...唔錯!!
嘢食都ok..服務都ok..不過話晒都唔係1個對外既會所, 所以有啲拘緊....
喺嗰度招呼我哋嗰個ger好鬼緊張部k囉, 又緊張個櫃....
而服務生方面呢...有2個肥仔侍應, 佢哋同我吹水啦, 其中1個又唱咗1段生日歌比我聽啦...
佢哋又問我幾多歲喎, 我比3次機會佢哋估, 佢哋估咗2次, 跟住就棄權兼要我開估...
我梗係唔講啦...我1眼就睇得出佢哋肯定細過我啦...但佢哋點都唔信喎...哈
佢哋第1次估20, 第2次估25....哈....我係大姐姐唻架......哇哈哈....
如果下次有機會既話, 我都會想再去呀!!

↓家姐送比我既禮物↓

係頸巾唻架! 本應有2條, 但另1條因為MARY姐話唔利是, 所以唔准生日送喎...話要等到christmas..
好鍾意呀!! 張咭好cute ar!!

↓↓↓↓↓↓↓↓↓↓↓ROOM 1↓↓↓↓↓↓↓↓↓


↓ROOM 2↓ ↓passage↓