老表結婚了...

今日係表哥註冊成為老襯既大喜日子, 因為返工, 所以無去觀禮, 但去咗磡!!
我今晚都食咗好多嘢呀! 由頭食到尾! 無話唔食! 仲連最過份既笑口棗都食埋!!
不過, 我既減肥計劃係唔會就咁罷休既!! 我要進入第2階段!! 超越平台期!!!!!!!
今晚見番好多好多好耐好耐無見既親戚! 各老表都有唔同既發展!!
雖然係咁, 但係我又唔覺得佢哋個樣變咗喎!! 多數我都認得番!! 同細個果陣時既印象差唔多!!
唔經唔覺, 大家都長大咗喇!! 感情隨著時間既流逝而變得疏離....
好在而家科技先進, 我同家姐都係咁搵人影相呀!! 雖然大家關係並唔再好似以前咁...但當留個紀念都好丫!!
大家仲因為相交換番啲相而留低咗MSN呀EMAIL呀呢啲聯絡方法....都算係咁啦!!
見到表哥結婚, 知道佢哋之前長期分隔異地, 而好似話結咗婚之後都唔會即刻可以1齊生活...
如果係咁, 咁結婚唻做咩呢?! 佢哋咁耐以來又係點樣去維繫架呢?? 係責任?! 點解可以咁有信心去結婚呢?!
有時望下佢哋, 我都會聯想到好多好多諸如此類既問題...究竟係咪我既問題呢?
今日場面並唔算得上係風光! 但就有好多人去參與同見證!! 祝佢哋呢對新人白頭到老, 永結同心!!!