梁芷珊的書...

之前亞龍喺圖書館借咗幾本書, 其中1本係梁芷珊既200個愛和不愛的理由...
呢本書都幾厚, 我差唔多每日返工搭車嗰時都會偷少少時間睇1陣...
由於每日都只係睇少少, 所以睇咗1段時間都仲未睇完, 但今朝, 我終於都睇晒成本書喇...
幾好! 寫得唔錯呀! 雖然唔係長篇或者短篇小說, 無情節可言, 而係散文, 但同樣令我有「追住睇」既感覺!
作者喺本書入面用簡而精+少少幽默既手法唻寫出1般男女對愛情既睇法同埋1D情況...
不得不承認, 書中有某啲point又真係寫得幾到喎! 令我都有D同感...
從來無諗過睇梁芷珊既書, 亦從來都唔覺得呢個人有啲咩嘢特別或者寫作同寫詞既才華...
但睇完呢1本書, 對佢有啲改觀, 最起碼...我覺得佢都幾可愛丫!!
所以決定睇埋佢本「單身女人心情色」! 同樣係1D散文...其中一篇係咁既:

《鬧交和性交》
男人不明白，為甚麼女人總喜歡鬧交。
一對男女，初相識的時候，甚麼都沒有所謂，爭著遷就對方。
然後，蜜月期一過，便開始鬧交。
通常，是女人想鬧交，男人不想。
女人鬧交的時候，會問男人很多問題。
男人不勝其煩，於是不出聲，坐著任女人罵，由她發洩，直至她心平氣和為止。
男人常常以為自己這樣忍氣吞聲很偉大，是對女人好的表現。
男人不明白為什麼自己這麼遷就對方，女人還是說：「最討厭你鬧交時不出聲！」
男人，你們真的不明白女人。
試將「鬧交」比喻為「性交」，從男人角度出發，或許你們會明白。
一對男女，初相識的時候，熱情如火，情不自禁的想擁有對方。
然後，蜜月期一過，便開始冷淡起來。
通常，是男人想性交，女人不想。
男人想性交的時侯，會對女人做很多挑逗的動作。
女人不勝其煩，於是不出聲，臥著在任由男人發洩，直至他心平氣和為止。
女人常常以為自己這樣任由擺佈很偉大，是對男人好的表現。
女人不明白為甚麼自己這麼遷就對方，男人還是記：「最討厭你性交是不出聲！」
男人，你明白了沒有？

哈! 搞嘢! 電呀!