咩嘢世界?!
繼札鐵工人集體罷工之後, 家下又有3千社工集體休例假...
之前睇到有啲札鐵工人因為唔加入罷工行動而被打, 真係覺得搞嘢..
人哋或者真係手停口停架嘛!! 搵錢開飯都要比人打, 啲人真係盲目呀!
仲有社工喎.. 細細個已經覺得做社工既必要條件就件有愛心, 熱愛工作, 以心待人..
點知, 原來而家啲社工都係「為錢而做」, 有幾多真係「有心」呢?!
雖則話社工都要開飯呀, 但都唔係咁架.. 點解唔喺爭取福利既同時, 都為需要佢哋既弱勢社群都諗下啦..
我覺得連社工都集體去搞埋啲咁嘢, 真係好有威脅feel囉...
之前教師話要爭取「人人有工開」我經已覺得佢哋都癲既..教師大晒咩?! 邊個話你哋1讀完書就一定要比份好工你架..
成日都話有壓力, 香港地邊個人做嘢無壓力呀...!!!! chi線!
人揀工, 工揀人, 唔滿意咪唔好做囉, 有料既話拍咩搵唔到工呀! 做社工同教師都唔滿意既話, 轉行丫笨!
呢個世界「愛」呢樣嘢真係越唻越欠奉, 「金」呢樣就過份泛濫!! 點搞!!!!
10 則留言:
你會唔會偏激左d呢???
都會架..=.=
一d都唔偏喎 , 我撐呀毛!
成日話呢樣唔公平 , 果樣唔夠數!
扎鐵工人就話比人壓榨人工 , 係真既!我老頭係判頭所以我知!佢地讀得書少 ,都係比d政棍攞黎做棋子啫!
嘜d社工自己見工果陣時唔知條件待遇既咩 ,唔知以為佢地比人捉住隻手畫押添!讀咁多書都係讀左屎片!!!!!
真係愈讀得書多愈自以為是 ,佢地唔諗下好多向佢求助既家庭 ,下場係點? 滅門慘案,掉女落街 , 謀殺自殺 , 好多都係呢d社工將佢地當個波黎踢 , 一係叫佢地自己搵差人一係叫佢搵醫生 , 想點 ?自己唔理又唔搵人跟進 , 要d受害人求助無門~~~~加人工? , 做好呢份工先啦!!!!!有病~~~~
毛毛呢排好火啵...
即唔係話火呀, 咁社工同教師都應該以身作則嘛..下下都話罷工呀罷課呀抗議呀咁, 邊得佢死呀...=.=同埋真係無理由你話加就加架嘛..社工? 愛心? 真係想幫人?! 我仲好記得我陪辣椒去搵社工求助, 嗰啲所謂既社工係點對我哋囉...!! 做社工, 唔將「老闆」放喺第1位咁點掂呀...弱勢社群就係佢哋眾多老闆之1, 佢家下反集體請假喎, 明反嘢啦! 如果啲老闆真係突然間有事要搵人招呼, 咁啱又搵唔到「伙記」而1時睇唔開出咗事, 咁香港咪又多宗本應可以避免, 卻因為「伙記集體請假」而發生既悲劇囉..
點解醫護人員遊行你又唔鬧?
因為沙士嗰陣時佢哋真係為香港人努力..自己條命喎..佢哋都真係幾值得專敬架..=.=
點解每次有咩事發生只用一d極端例子作比較
社工係咪單單case都做得唔好?
係咪每一單case都會死人?
做得好嗰d會在報紙中表揚嗎?
難道社工唔搵命搏就唔可得到別人的尊敬嗎?
每個職業都有自己的專業操守..
係囉...
就算沙士期間有幾多醫護人員逃避...
你知道嗎?
就算一個掃地呀姐都值得尊重嫁...
冇咗佢哋條街邊有咁乾淨呀...
可能有好多好好既社工你未接觸到即....
同埋佢哋今次活動既影響都唔大呀....
相信佢哋都考慮咗好多嘢先搞...
我既回應:
你哋啱..
張貼留言