誰人回應...???
之前寫既BLOG, 我收到唔同既回應...有好多唔同既意...我全部睇晒..
好感激, 但同是又有啲「有苦自己知」既感覺...不過都唔重要喇...多謝晒各位...
基本上, 我係知自己做緊咩既, 一於平常心啦...唔諗住喇...超煩!!!
係喎, 不平人究竟係邊個呢??? 我有睇佢30/7既CM, 我亦都明白, 佢亦講得啱既, 但我竟然唔知佢係邊個喎..=.=!
今朝喺公司搞緊單勞資糾紛...家下啲伙記, 郁啲就話去告, 真係煩到嘔!!
我哋都經已計足晒數比佢架啦!! 而佢又未有資格攞到長期服務金, 點解勞記仲要受理佢呢單CASE呢?!
乜都走去告一餐! 而我哋唔知點解成日都要貼錢架喎!! 激鬼氣!!
今次我1於決定要出手! 賠賠賠! 賠條命比佢呀! 賠! 傻架!
炒人咪最多補7日之嘛! 7日都補足啦! 咁都仲唔滿意! 啲人家下係咪告開就有條癮呀?!
定係比人炒咗之後好得閒, 要搵番啲勢藝搞下呢=.="
為咗呢單嘢! 我實行改嗰名做吳伏舒先得!! 唔屈服! 今次1定唔屈服!!
4 則留言:
嘩..毛毛終於出手啦....
要擔定櫈仔,霸返個頭位先....
仲有呀, 你個投票好難投喎....
4個都啱...有冇得揀晒4個嫁.....
椰...你好衰架葵葵..
人哋會面紅架嘛..
葵葵真係包容 , 真係一個大好人!!!
我係到投葵葵神聖一票 , 超級 best!
yeah~~~~~~
毛毛 , 我好同意不平人既一段cm , 如果妳永遠只得係淨得埋怨同覺得自己係悽慘既話 , 分開啦 , 放過妳即係放過呀龍少 !
其實係咪妳地之間未曾真正遇過 , 一對一生一世既伴侶會共同面對既問題呢 , 係咪冇機會比呀龍表現出佢對妳既重要性呢?
其實都十年啦 , 係咪 ? 妳到底攪清楚自己要d咩野未呀 ?如果妳自己都唔知 , 與妳唔同個體既呀龍又點會切實咁滿足到妳呢?
可能有d野係我地外人跟本唔會知道, 亦唔方便比我地知 , 每一對男女關係點都有d架嘞....
所以局外人只可以憑直覺及觀點去落評語 , 妳就當係一種關心同提示去睇啦 , 或者會從中得到少許玄機 , 就算冇呀都可以當係舒發囉~~~係咪?
叫妳開心d...我唔會講架嘞 , 好老實, 自己都係人一個 , 明白到事情一日未解決點會開懷 , 笑...都係呃妳既啫...唉...
張貼留言