無常...

sunday要返工, 仲要做到無停手, 心情已經係好麻麻...
佢今日休息, 我今日返工, 佢成日都無打過比我=.=
收工打比佢, 問佢夜晚諗住食咩? 問佢落唔落唻接我?? 佢話接, 仲話見到先再決定食乜...
落車既時候, 見唔到佢個人影, 我有啲失望...
朝住屋企既方向行番去, 喺大閘門口等咗1陣, 佢終於都出現喇...
我哋1齊行咗過銀座, 喺未諗到食乜嘢之前, 無無聊聊就上咗8佳行下..
見到啲雪條抵喎! 諗住買, 但又驚會溶, 所以1致決定搵咗嘢食先, 食完先再上去買!
因為大家都費事諗食乜, 又無好主意, 所以就求求其其諗住去阿一度食燒味飯算數...
佢問我坐邊, 我話不如外賣啦, 佢問點解唔堂食, 我無答佢, 只係講:不如外賣啦, 我唔想喺度食...
就喺大家都仲喺度講緊外賣定堂食既時候, 大家已經坐低咗-_-!
坐低之後, 佢問我食咩, 我依然仲係講緊:不如外賣啦, 我唔想喺度食...
跟住, 佢就放低menu起撈, 我亦隨即起身跟住尾, 點知我聽到佢話:你真係煩..
出到門口, 佢仍咬實我唔放, 問點解唔喺度食, 我無出聲, 無答...
誰不知, 佢自問自答: 你唔想喺度食, 係咪驚見到熟人....我心諗, 明知故問...點解知都仲要問?!
係, 我怕見到佢, 因為我唔想見到佢, 我之前唔答, 係因為我唔想再提起...
入到去已經好唔自在, 成日覺得會遇到佢, 甚至有時喺馬會附近都會覺得會遇到佢...
與其話我唔想見到佢, 倒不如話, 其實係我唔想比佢遇到....
亞龍知道係咩事, 但點解佢唔諒解我呢?!
之後, 佢話上番去8佳買嘢...
我話:唔駛食嘢?!,
佢話:唔食喇!買完雪條就返屋企!
我話:咁我都唔食雪條喇!
佢話:咁走喇!
唉~佢發悔氣, 我又發悔氣, 原本好好哋, 點知就係因為1啲過咗去既小事同埋1啲閒人就影響晒...唉~
好地地1個sunday, 就咁過去, 簡直down到暈!
佢真係變咗喇! 變得會發悔氣, 變得會話我煩, 變得唔體諒我, 變...唉~
想分開, 但全世界真好似覺得如果我同佢分手就=離婚咁大件事!
有時我真係會諗, 唔通行咗10年之後分手就=有罪咩?!
好down X 10!