中獎..

今日收工又去睇Peter仔, 同尋日唔同既係, 尋日我戴普通口罩, 而今日, 我要帶定豬咀先可以入去..
Peter你亦同我1樣, 1見到我就拿拿聲戴起豬咀..
見到佢呢個舉動, 我知道化驗結果梗係出咗喇, 而且好可能係1個唔好既結果...
不出我所料, 佢果然中咗獎, 化驗結果顯示, 佢有肺癆菌..:(
由於我同家姐都唔清楚係咩1回事, 所以唯有出去搵醫護人員了解1下..
聽完之後, 對情況有咗初步了解, 知道有藥可醫, 只要佢肯乖乖食藥就得喇..!!
起步要食1個療程, 大約6日-10日, 如果清得晒啲菌, 咁就可以出院喇!
但出院之後仲要keep住食藥, 大概半年-1年...
希望佢聽話啲啦, 而我唯1可以做既就只有不停咁煩住佢, 不停咁重覆叫佢小心身體...
佢今日仲未退燒, 個人仲好攰添...唉!唉!唉!
家姐呢排真係辛苦呀~~~
等Mary姐返唻, 仲要捉佢去照肺添呀! 唔知我同家姐駛唔駛都照埋1份呢~~~~~~~