偷得浮生半日...懶!

今朝落大雨, 我懶醒咁攞咗把雞仔縮骨遮出門口, 點知1開!!
發現喺咁大雨既情況下, 呢把遮似係小朋友用既多啲=.=! (比晴晴用就啱...)
於是我迫於無奈, 折返屋企, 摷來摷去, 終於比我摷到亞伯有N年前留低既1把長遮!!
我當然毫不猶疑咁攞唻用住先啦...
用既初時, 無乜問題, 點知用用下, 發覺點解會有水滴落唻既呢???
原來把遮係穿咗架架架架架....當時簡直覺得晴天霹靂呀~~~~天呀~~~~~~~>.<"
但喺咁既情況, 我仲邊樹有得揀呢?! 當然要繼續用啦!!
好狼狽咁等咗半打字之後, 都仲唔見有A73喎!! 心諗:「作死!」
當時, 我由頭到腳, 由外到內都幾乎濕晒, 超忟!!
最終決定, 都係返屋企穩陣啲!! 橫樹鞏樣樣返到去坐都坐得唔安樂啦!!
所以就打比SA SA喇!! 諗住話比佢知, 我今日決定罷工1天!!
哈! 點不知我完完全全唔醒起佢今日day off wo....=.=
直至聽到佢把未瞓醒既聲先突然記得!! 係喎, 佢今日day off wo....haha
唔係呢啲係咪叫「宿命」呢? 每次佢唔駛返工, 我都梗係會撞晒邪咁打比佢...
呢, 就好似半夜3更叫人起身痾夜尿咁呢...哈哈哈哈哈哈....