願望...

今日同朋友喺MSN閒談中, 朋友突然間問咗我一個簡單既問題,
問題係:「如果而家比個希望你, 你會要咩?」,
我腦海中, 第1秒浮現既答案係:「錢!」,
1秒過後, 下1秒既答案係:「我希望亞龍變番10年前既亞龍..」
跟住朋友又問:「10年前佢對你好咩?」,
我毫不猶疑咁答:「好!」, 跟住再補充:「非常好!」,
跟住我就忍唔住甜笑咗1下, 同苦笑咗1下...
再跟住, 朋友再問咗我1連串我唔識答既問題:
「龍公子錫唔錫你架? 」
「龍公子對你好唔好架? 」
「龍公子照唔照顧到你架? 」...
其實我唔識答, 真係唔識!
佢唔係唔錫我, 但係佢而家做既嘢又唔見得係錫我!
佢唔係對我唔好, 只但係如果佢對我好就唔係咁啦!
佢唔係唔照顧我, 但係以間屋而家既狀況唻睇...唉!唉!唉!
但由於朋友只係准我答是非題, 所以我既答案唯有答:「錫! 好! 到!...=.=!...」
呢個朋友既問題雖然簡單, 卻令我有咗深思同反思既一刻...多謝朋友!