好驚好驚...

今日收工貪得意走哂去同小儀搭輕鐵, 葵葵都有1齊, 仲喺上車前見到林玲同SA LA LA....
喺無約定既情況之下, 1行5人1齊上車..
由於人多既關係, 我哋全部行入咗少少, 廢事同人迫,
點知車箱裡面有個唔知印印定賓賓, 1個人「笨」哂成條柱, 我哋5個起初都照樣捉住條柱,
但係果個女人實在太厲害, 個身郁都唔郁下, 我哋5個終於由佢, 再行入啲, 近乎車尾既位置再搵條柱扶住...
點知我唔知係咪講嘢講到忘哂形, 竟然有個馬蘭奴昅咗我好鬼耐都唔知!!!
好在亞莎醒, 幫我用佢有限既身體面積幫我1邊擋住條粉腸既視線, 1邊係咁比眼色我叫我醒水...
但係車箱裡面真係太噪, 我一味仲大大聲問:「咩呀?! 你講咩呀?! 你想點呀你?! 大聲啲啦...」
我仲夠膽死度問埋企喺我旁邊同企喺亞莎旁邊既葵葵同小儀聽唔聽到亞莎講乜添....=.=
結果係, 大家都聽唔到....!!!
到小儀同葵葵落咗車之後, 亞莎先有機會同我講番, 我頭先既情況...
本來諗住下1個站落車去新墟買餸, 點知1擰轉頭, 我又望到另1個馬蘭奴眼定定咁望住我呀~~~
而我既直接反應就梗係拿拿聲擰歪成個人啦, 我望住林玲, 佢向我示意, 佢知我做乜!!!
原來佢同時間都睇到果個馬蘭奴2號望住我呀!!!!!!!!好驚好驚!!!!!咩世界呀~~~~~
就係咁, 我連車都唔敢落!! 點知我過佢身邊既時條佢會點架?!!!! 死都唔制呀~~~
最終, 去咗兆康街巿買餸, 第1次買牛仔骨,
我用咗胡椒粉, 生抽, 糖, 豉油, 粟粉, 油, 麻油唻醃...
唔知配合李錦記既醬爆生仔骨醬煮出唻會係咩味呢???
除此之外, 仲買咗1斤菜心, 洗菜既時候, 發覺超多蟲呀!!!! 好驚好驚!!!
洗洗下, 1見到蟲, 我就大叫兼成個彈起, 就連手上攞住條菜都飛走埋!!!
(唔知既真係唔知我搞緊乜=.=)