我要做MODEL!!!

尋日經過平平無奇既工作時間之後, 同咗VV仲有葵葵出咗MK,
因為VV約咗朋友食飯喺MK等, 而葵葵就陪我出TST反...見中間仲有時間, VV個朋友仔又未出唻,
咁所以我哋就去咗金魚街睇金魚..hehe(姐姐帶VV去睇金魚同檢查身體呀..正呀!)
行咗1陣, 我哋見到好多魚呀, 我第1次見到透明魚架咋! 真係成條透明架喎...見哂個魚標, 骨同埋屎屎添呀!
有啲魚會發光添架, 有紅色, 藍色, 綠色, 白色....3間色, 彩色...
我想買返屋企養架, 但係佢又話唔好喎, 等埋佢一齊揀, 佢成日覺得我會比人呃喎...
行行下, 經過一間買啲奇特寵物既舖頭, 葵葵問:「上唔上去(閣樓)睇呀?」, 我諗都唔諗就答:「上!」..
二話不說咁我就膽粗粗咁上咗去, 點知一去到門口, 連入都唔敢入, 一味伸個頭入去裝下裝下,
跟住就唔知邊條友仔, 推鬼咗我入去, 一入到去已經聞到陣草味, 又無開冷氣(因為係熱帶動物),
舖頭入面有蜘蛛, 有龜, 有蜥, 有蛇....我同VV1個圈都行唔到就頂唔順掉低葵葵咁衝住走...hair
之後再行, 又見到兔仔同鼠鼠, 除之之外, 仲見到連豬都有得買呀!! 多謝承惠1000大元! 我個人認為抵過買隻狗..
1930左右, 同VV分咗手之後, 終於去到TST, 開始反喇... ...
有乜反?! 其實咪就係去咗比kitman試粧囉..
一開始就要「炆」眉, 好鬼死痛, 呢次係我生平第1次「炆」眉..
跟住畫眼既時候我大勁流眼水喎..搞到kitman呢咁hair!!
葵葵全程坐定定望住, 到化完之後, 我簡真唔認得自己...
超樣衰, 並唔係kitman化得唔好, 而係自己真係實在太肥, 塊面太大...
唔得! 真係要搞搞佢, 我由頭到尾都好唔掂呀! 髮型唔掂, 身型唔掂, 個樣唔掂.....