第3天..
佢今日覆診, 量體重既結果好得人驚, 有成140磅, 醫生都嚇咗1跳...
梗係啦, 佢成日都唔食藥, 醫生話佢根本唔係肥咗, 而係腫咗, 仲話好在仲後生, 老啲既話, 可能會死..
如果1路咁樣唔食藥落去, 醫生話會引致肺積水, 心衰竭...好擔心...好擔心...好擔心...
但無嘢可以做到..唯有多啲提佢記得記得一定一定要食藥....
放工之後去咗新墟買餸, 有洋葱, 紅蘿蔔, 青椒, 西芹, 薯仔同粟米...
今晚煲咗個雜菜湯, 連佢都話好味道!! 而我就覺得有啲齋囉..但又唔算難飲...
我真係好大頭蝦呀, 應承咗順路帶嘢去天盛, 但收工既時候話走就走, 連封信都唔記得帶...
最終要打的返公司叫LING姐攞落唻比我, 梁小姐仲打的兜埋我返天盛樓下添!! 真係無鬼用呀!!
買嘢又帶唔夠錢, 又係叫LING姐喺公司攞落唻比我, 真係搞事呀XD!!!
6 則留言:
毛毛..你一向對d有益既嘢都冇嘜興趣嫁la....
你就最好多油多肉多味精
你就話好食嫁啦~~
吾舒服呢家野 ,真係要死到臨項先知驚架,
妳帶佢去醫院 see see,人地吾想死既日日係到吊葯 , 佢好人好姐都咁吾聽話,食幾粒糖仔都唔肯 , 想點?我個妹係女人都係咁捱啦 , 係咁食葯啦 ,冇辦法喎,不過毛毛妳都要保重呀,如果唔係第日點照顧龍少爺呀,係咪!!
個個都係咁架啦，唔肯病向淺中醫架，一句話小心身體，知冇......
毛毛你繼續努力學煮多D有益既野食啦,
唔好再外賣喇,已經唔舒服仲食嗰D味精野咩.....
記得記得要佢食藥呀..
佢唔食你都要煩到佢食..
呢個係你責任啊~!!
毛毛點解什菜湯冇番茄既???
張貼留言