第1天..

今日開始咗我既減肥計劃, 同事們都唔睇好呀! 唔得! 真係要叻返次先得...
喺葵葵同小儀呢2個魔鬼顧問既督促之下, 我安安全全咁過咗我既第1日, 對住佢哋, 我實在係唔知點解好鬼死驚..
或者係覺得佢哋唔單只對我係精神上既支持, 而且仲係身體力行咁陪我做運動...
平時佢哋都已經好忙, 要返學啦, 學整餅啦, 拍拖啦, 陪屋企啦, 去街街啦...
但佢哋都KEEP住陪我, 無時無刻都提醒我, 而身為主角既我, 又真正做過啲咩呢???
其實我只需忍下口同做下運動就OK! 比起佢哋, 或者我係付出最少既1個, 因為我先至係真正既受益人...
佢哋只係不計收獲咁幫我, 提我...所以, 我一定要奸爸爹呀!!
今晚個死佬終於都唔多願意咁洗咗個廚房, 進行期間多多嘢講, 我都費事理佢, 佢以前都唔係咁既...
幫我做少少嘢都咁多嘢講, 婚都未結就已經咁, 結咗婚咪仲得了?!