一個人的晚餐...

今日放工奇跡地無OT!! 1700公司無人札營!!
約咗朋友既就去會朋友, 上堂既去上堂, 淨返我呢個孤單的人....
我呢個孤單的人最終同咗嗰班上堂既人一齊落咗元朗, 佢哋返學, 我就買餸!!
買餸之前, 陪咗佢哋去彪記食牛乜粉麵, 佢哋食, 而我就齋睇! 皆因....
搭西鐵既時候, 亞莎姐睇死我慳唔到錢, 煮飯煮唔到多過2個week!! 佢仲搞事到同小儀輸賭20皮!!!!
極之有恒心既我, 當然起勢咁話「燦」小儀賭呢舖啦!!! 大拿拿20皮喎...!!! (放心呀小儀! 你袋硬架!!)
呢2個week早餐只限食麥片同白麵包, 其餘2餐就要食住家菜!!!
其他一律嚴禁進入我口!! 戎tea呀~呀~呀~呀~ 我一定得!!!!!!!!

曾特首有句；「我要做好呢份工」
而我就有句：「我要煮好呢餐餸」

是日晚餐精選:
煎紅衫魚
榨菜蒸牛肉

嘩!原來小儀真係有啲料到....
去到街巿, 我乜都唔識, 小儀又教我揀魚要睇隻眼, 買餸又大大聲同人講要乜喎...
而我....每次去到街巿都好驚, 覺得周圍啲人都好惡....