分享草原!

有時睇到別人既blog, 有啲mero既草原放置得幾得意, 自己都會想整返個,
但試咗好多好多次, 都仍然整唔到, 對於1啲html都唔識既我, 其實都真係幾難整到!
雖然小水滴總部有其他會員提供相關既code可以作參考, 但都唔係完全啱我用架嘛!
所以我唯有自己作修改囉....點知整極都仲係唔掂...唉...
最終.....都搞掂....全靠有其他無私既網友出手相助........
講開MERO, 真係越唻越癲呀! 要用錢買蜜瓜呀! 1YEN=1度.......搞錯呀?! 係咪傻架?!

亞龍今日主動話同我去買焗爐同埋打蛋器, 嚇咗我一跳, 去到豐澤, 照舊佢負責睇, 我就一味呆企...
買親乜嘢都係咁, 因為我真係無咁既耐性去1件1件咁作比較, 便既有2佰零蚊, 貴既有2仟零蚊! 點揀呀?!
況且我同佢講: 「我負責用, 你負責洗! 所以你要好好哋揀呀.....hehe...」
但最終都無買到, 因為佢話等佢睇多幾間先喎....次次都係咁.....真係有耐性,
比我就會是但買, 唔啱用就再買......hehe


(P.S. 聽日開工大吉呀!!)