反思...

近呢幾日, 亞龍明顯對我唔同咗, 對我溫柔咗, 關心咗, 就連講句嘢都音聲細氣咗,
甚至乎聽起上唻仲有啲作狀添.....
佢話佢尋晚反思過, 要對我再好啲...
或者佢已經feel到我呢排侍佢冷淡咗, 又或者佢以為我又好似之前咁有外遇....
我本應該好好去享受一下佢而家既溫柔, 但實際上我又唔想太投入落去,
因為我知道自己一定會好貪心, 得一想二, 我怕我自己會要求得越唻越多,
希望越大, 失望越大, 我心知佢唔會永遠都好似呢刻咁對我,
所以我真係唔敢亦唔想太開心, 太享受, 太深信...
我發覺原來我真係好怕再受到任何傷害...