第1手真相???

今日遲咗起身, 搞到要搭喺西鐵站度轉的士返工, 仲有個奇遇添...
的士站度計埋我有5個人一齊等的士, 3個係識得既, 另外仲有我同一個男仔(當然係唔識架啦...),
而的士就得1架咁大把, 我就一定唔會爭, 但點知佢哋2個組合就竟然爭起唻,
雖然只係小事一樁, 最終亦無大打出手, 但係我仍然後悔點解唔醒少少攞部手機出唻錄低佢呢?!
從呢件小事就可以睇出一樣米養百樣人, 首先等我重整一下案情, 然後再作分析先!!


3個相識既人, 分別係2男1女, 著紅色同白色衫......
紅衫男－1味以為裝「惡」就稱之為「型」...
其實我覺得佢只係流泯一個, 扮咩唧!!想嘔呀!!


白衫男－全程冷靜, 唔出聲, 唔出手, 但對同伴卻顯得漠不關心....
其實佢係咪應該勸1句半句, 或者拉個朋友上車先會好啲呢???


吸煙女－食煙食到鵝公喉咁既聲, 都仲要大大聲講住28個字既粗口媽人XX, 之後仲要咬住唔放果隻....
其實佢咁大個人, 會唔會覺得自己咁既行為會有啲啲失儀呢???


白痴男－裝兇又唔夠人兇, 作勢又無勢, 但都仲要死撐, 做出既行為卻流露出「唔衰得」...
好心佢算把啦, 自己又覺得落唔到台, 但暗低喇又怕事, 倒不如say sorry算啦?!


8掛MO－反應遲純, 攞唔切部機出唻拍低佢send去「第1手真相」.....
頂自己唔順, 一味企响樹等住睇人哋大打出手, 完全係心地唔慌好啦!!!!! 搞鬼!!




其實好小事啫! 點解唔大家禮讓吓呢??? 社會!! 真係好難可以共融!! 唉!!