準時收工的1天...

今日準時5點鐘收工閃人, 雖然仲有嘢未做完, 但好似真係好耐都無識過準時走咁,
所以今日就算未做哂啲嘢都依然決定要準時走!!
返到屋企, 天色仍然係光, 而唔係黑既!! 感覺真好, 但有啲不慣.....
喺屋企開著部腦之後, 喺msn見到connie發咗個message比我,
叫我執書包! 我當然知道點解!
(聽日我會記得帶層層叠同利是封返公司...)


晚上, 咕咕仔叫哂咁, 話要去廁所,
竟然比我哋發現佢既便便當中, 有一樣我哋唔見咗幾日既嘢!!
原來佢成件吞咗落肚!佢真係乜都夠膽死! 服咗佢呀!!!
都唔知好嬲定好笑!!!


夜晚, 食返亞媽比我隻雞, 超好味呀!(不過好肥呀...)
今年我又犯太歲, 印象中呢幾年都好似係犯太歲咁!
幾時先唔犯呀???
尋晚媽咪比咗條唔知咩我, 叫我掛喺電話度喎,
佢話因為犯太歲, 所以隨身帶住果條嘢!! 擋住咁話喎...
希望真係檔到啦!!



(p.s. 楊一同MOMO原來食到字喇, 只係開飯既時間唔同咋!!好嘢!!)